Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
2023թ.-ի հոկտեմբերի 26-29-ը Երեւանում կայանալիք Fintech360 միջազգային համաժողովին կմասնակցի Հայաստանից, Վրաստանից, Բելառուսից, Մոլդովայից, Ղազախստանից, Ղրղզստանից, Լեհաստանից, Տաջիկստանից, Ռուսաստանից, Ուզբեկստանից, Չինաստանից, ԱՄԷ-ից եւ այլ երկրներից ժամանած մոտ 200 ներկայացուցիչ:
Համաժողովն անցկացվում է «Յունիբանկ» ԲԲԸ-ի եւ Kwikpay վճարային համակարգի աջակցությամբ՝ Holiday Inn Yerevan Republic Square հյուրանոցում: Այս տարի Fintech360-ի գլխավոր գործընկերն է NABIX ընկերությունը:
Յունիբանկից հայտնել են, որ փորձագետները կքննարկեն ժամանակակից ֆինանսական ոլորտի ռազմավարությունը, բանկային էկոհամակարգերը եւ BNPL ծառայությունները, վճարային համակարգերի ծառայությունների զարգացման հեռանկարները, բանկերի էվոլյուցիան եւ թվային ակտիվները, open banking-ը, CBDC, e-Commerce-ը, բրոքերային ծառայությունների զարգացումն ու ներդրումների համար նախատեսված մոբայլ հավելվածները, UI/UX, կանաչ ֆինանսավորումն ու ESG-ին:
«Համաժողովի ծրագիրը ներառում է ելույթներ, շնորհանդեսներ եւ պանելային քննարկումներ, ինչպես նաեւ մշակութային միջոցառումներ: Մասնակիցներին սպասվում են հետաքրքիր ուղեւորություններ Հայաստանի տեսարժան վայրեր եւ ազգային ճաշատեսակների համտեսում: Մշակութային ծրագրում ներառված է նաեւ հայտնի երգիչ Վալերի Մելաձեի ելույթը համաժողովի գլխավոր հովանավոր Յունիբանկի 22-ամյակին նվիրված երեկոյին»,- ասված է բանկի հաղորդագրությունում:
