Մեր մասին

«Հայաստանի հանքագործների և մետալուրգների միություն» հասարակական կազմակերպությունը ստեղծվել է մի խումբ հանքագործական ընկերությունների նախաձեռնությամբ։

2006թ․-ի հոկտեմբերի 10-ի անդրանիկ նիստում քննարկվել է միության ստեղծման հարցը և դրական որոշում կայացվել։

Միությունը պաշտոնապես գրանցվել է 2006թ․-ի դեկտեմբերին։

Հիմնադիրներն են՝

«Զանգեզուրի պղնձամոլիբդենային կոմբինատ» ՓԲԸ․ տնօրեն՝ Մաքսիմ Հակոբյան,

«Թունել» ՓԲԸ ․ տնօրեն՝ Միշա Ջհանգիրյան,

«Ագարակի պղնձամոլիբդենային կոմբինատ» ՓԲԸ․ տնօրեն՝ Վալերի Մասիլով,

 «ՀՀ լեռնագործների, մետալուրգների և ոսկերիչների արհեստակցական կազմակերպությունների ճյուղային հանրապետական միություն»․ նախագահ՝ Եվգենի Կոժեմյակին։

Անդրանիկ ժողովում միության հիմնադիր նախագահ է ընտրվել ԶՊՄԿ ՓԲԸ-ի տնօրեն Մաքսիմ Հակոբյանը, իսկ տնօրեն՝ Բորիկ Մկրտչյանը։

Միությունը նպատակ  ունի սատարել հանքագործների և մետալուրգների մասնագիտական և հեղինա­կա­յին իրավունքների պաշտպանությանը, նպաստել ոլորտի զարգացմանն ուղղված պետական քաղաքականության բարեփոխմանը և այն միջազգային չափանիշներին համապատասխանեցնելու գործընթացին, աջակցել ներդրումային միջավայրի բարելավմանը։

2018-22թթ․-ին Միության նախագահ է ընտրվել Հայկ Ալոյանը, իսկ տնօրեն՝ Վոլոդյա Կիրակոսյանը։

2022 թ․-ին միության անդամները նախագահ են ընտրել «Զանգեզուրի պղնձամոլիբդենային կոմբինատ» ՓԲԸ-ում՝ գլխավոր տնօրենի առաջին տեղակալ Վարդան Ջհանյանին։

Գործունեության ամբողջ ընթացքում միությունը հավատարիմ է իր առաքելությանը, որը միտված է հանքարդյունաբերության ոլորտի  բարելավմանը, երկրի տնտեսության հանքարդյունաբերական միջավայրի զարգացմանը, ինչպես նաև ոլորտային խնդիրների բարձրաձայնմանը, օրենսդրական նախագծերի մշակման մասնակցությանը։

Կազմակերպության անվանումն է`

«Հայաստանի հանքագործների և մետալուրգների միություն» հասարակական կազմակերպություն

Կազմակերպության գտնվելու վայրն է՝ ՀՀ, Երևան, Գրիգոր Լուսավորիչ 9,

հեռախոս՝ (60 700 705),

էլ. հասցե՝ [email protected]: