ԱՄՆ ֆոնդային բորսաների առևտրային նստաշրջանների արդյունքները հետևյալն են. Արդյունաբերական Dow Jones ինդեքսն աճել է 0.31%-ով և կազմել 35061.21 կետ, լայն սպառման շուկաների S&P 500 ինդեքսն աճել է 0.24%-ով և կազմել 4565.72 կետ, իսկ բարձր տեխնոլոգիաների Nasdaq ինդեքսն աճել է 0.03%-ով և կազմել 14358.02 կետ: Dow Jones ինդեքսը ֆոնդային շուկայի ցուցանիշներից մեկն է, որը ստեղծվել է Wall Street Journal թերթի խմբագրի ...

Եվրոպական ֆոնդային բորսաների առևտրային նստաշրջանների արդյունքները հետևյալն են. Գերմանական DAX ինդեքսը նվազել է 0.10%-ով և կազմել 16108.93 կետ, ֆրանսիական CAC 40 ինդեքսն աճել է 0.11%-ով և կազմել 7326.94 կետ, բրիտանական FTSE ինդեքսն աճել է 1.80%-ով և կազմել 7588.20 կետ, իսկ ռուսական RTSI ինդեքսը նվազել է 0.96%-ով և կազմել 1015.13 կետ:

Հունաստանում շարունակում են պայքարել անտառային հրդեհների դեմ, որոնք սկսվել են ծայրահեղ շոգի պատճառով, նախկին օջախներին ավելացել է հրդեհը Հռոդոս կղզում, տեղեկացրել է Kathimerini-ն։ Հրդեհները շարունակվում են երեք վայրերում՝ Լուտրակի եւ Դերվենոխորիա քաղաքների մոտ, որտեղ դրանք սկսվել են դեռեւս երկուշաբթի օրը, ինչպես նաեւ Հռոդոսում։ Այնտեղ աշխատում են 12 հատուկ ինքնաթիռ եւ 14 հրշեջ ուղղաթիռ։ Ամենաբարդ իրավիճակը Դերվենոխորիայում է, որը դժվարհասանելի տեղանք ...

Մեկ օրում առնվազն 474 մարդ է տուժել Իրանի հարավ-արևելքում գտնվող Սիստան և Բելուջիստան նահանգում ավազային փոթորկի հետևանքով։ Այս մասին հայտնում է Korrespondent-ը։ Նշվում է, որ Սիստանի շրջանում քամու նոր ալիքից հետո հիվանդանոցներ ու բժշկական կենտրոններ է դիմել 474 մարդ։ Նրանցից առնվազն 30-ը հոսպիտալացվել է։ Հուլիսի 19-ի առավոտյան եղանակային անբարենպաստ պայմանների պատճառով իշխանությունները ստիպված են եղել չեղարկել Թեհրանից դեպի նահանգի վարչական կենտրոն՝ ...

ՀՀ քննչական կոմիտեի նախագահ Արգիշտի Քյարամյանն այսօր ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Նիկոլաս Յակոբ Սխերմերսին։ Ողջունելով պարոն դեսպանին ՀՀ քննչական կոմիտեում՝ Արգիշտի Քյարամյանը նշել է, որ Հայաստանի և Նիդերլանդների հարաբերությունները զարգանում են փոխադարձ վստահության հիմքի վրա, ինչը դրսևորվում է նաև իրավական համագործակցության ոլորտում։ ՀՀ քննչական կոմիտեի նախագահը գոհունակություն է հայտնել առ այն, որ Նիդերլանդների իրավասու ...

Հուլիսի 19-ին, ժամը 16:45-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ ջրափրկարարները 1-ին հանրային լողափում հերթապահություն իրականացնելու ժամանակ ափից մոտ 30 մետր հեռավորության վրա նկատել են լողացող քաղաքացու, ով չի կարողանում վերադառնալ ափ։ ՀՀ ՆԳՆ փրկարար ծառայությունից հայտնում են, որ  ջրափրկարարները քաղաքացուն (Ա. Գ., ծնված 1989 թ․) մոտորանավակով մոտեցրել են ափ. բժշկական օգնության անհրաժեշտություն չկա:

Սահմանազատման հարցերով հանձնաժողովների չորրորդ հանդիպմանը որևէ քարտեզի մասով որոշում չի կայացվել: Այս մասին «Հայկական ժամանակ»-ին հայտնեցին փոխվարչապետ Մհեր Գրիգորյանի գրասենյակից՝ նշելով, որ հաջորդ հանդիպման ամսաթվի վերաբերյալ պայմանավորվածություն դեռևս ձեռք չի բերվել: Հիշեցնենք՝ Հայաստանի և Ադրբեջանի փոխվարչապետներ Մհեր Գրիգորյանի և Շահին Մուստաֆաևի նախագահությամբ վերջին հանդիպումը կայացել էր հուլիսի 12-ին Տավուշի մարզի և Ղազախի շրջանի հատվածում: Համաձայն Հայաստանի Հանրապետության և Ադրբեջանի Հանրապետության ...

Չինական ERNIE Bot չաթ-բոթը «ՌԻԱ Նովոստի»-ի հարցազրույցում նշել է աշխարհի ամենաուժեղ բանակները, դրանց թվում են ռուսականը, ամերիկյանը եւ չինականը։ «Դժվար է ասել, թե որ բանակն է ամենաուժեղն աշխարհում, որովհետեւ յուրաքանչյուր բանակի ուժի եւ առավելությունների վրա ազդում են բազմաթիվ գործոններ, այդ թվում երկրի չափը, տնտեսական հզորությունը, ռազմական տեխնոլոգիաները, ռազմավարությունը եւ մարտավարությունը, անձնակազմի որակը»,- գրել է բոթը՝ պատասխանելով թղթակցի համապատասխան հարցին։ Նրա ...

Հրապարակվել են Երևանի պետական համալսարանի 2023-2024 ուսումնական տարվա առկա ուսուցմամբ ընդունելության ցուցակները: Այս պահին առկա տվյալներով՝ Երևանի պետական համալսարան ընդունվել է 2147 դիմորդ, թափուր է մնացել 1042 տեղ: Նրանցից 427-ը բուհում կսովորի անվճար հիմունքներով: Վճարովի ուսուցմամբ ընդունվածները 1699-ն են, արտոնությամբ ընդունվածները՝ 21-ը: Ամենաշատ ուսանողն այս տարի կունենա ԵՊՀ Ինֆորմատիկայի և կիրառական մաթեմատիկայի ֆակուլտետը, այն կընդունի 218 ուսանողի:

Հուլիսի 20-ին, 21-ի գիշերը հանրապետությունում սպասվում է առանց տեղումների եղանակ։ Հուլիսի 21-ի երեկոյան ժամերին, 22-24-ը առանձին շրջաններում սպասվում է կարճատև անձրև և ամպրոպ։ Առանձին հատվածներում հնարավոր է նաև կարկուտ։ Քամին՝ հարավարևմտյան 2-5 մ/վ, ամպրոպի ժամանակ սպասվում է քամու ուժգնացում՝ 18-23 մ/վ արագությամբ։ Օդի ջերմաստիճանը աստիճանաբար կբարձրանա 5-7 աստիճանով։ Երևանում հուլիսի 20-ին սպասվում է առանց տեղումների եղանակ։ Հուլիսի 21-24-ը երեկոյան ժամերին ...