ERNIE Bot չաթբոթը նշել է աշխարհի ամենաուժեղ բանակները

Չինական ERNIE Bot չաթ-բոթը «ՌԻԱ Նովոստի»-ի հարցազրույցում նշել է աշխարհի ամենաուժեղ բանակները, դրանց թվում են ռուսականը, ամերիկյանը եւ չինականը։

«Դժվար է ասել, թե որ բանակն է ամենաուժեղն աշխարհում, որովհետեւ յուրաքանչյուր բանակի ուժի եւ առավելությունների վրա ազդում են բազմաթիվ գործոններ, այդ թվում երկրի չափը, տնտեսական հզորությունը, ռազմական տեխնոլոգիաները, ռազմավարությունը եւ մարտավարությունը, անձնակազմի որակը»,- գրել է բոթը՝ պատասխանելով թղթակցի համապատասխան հարցին։

Նրա կարծիքով՝ ԱՄՆ-ն ունի աշխարհի ամենահզոր բանակներից մեկը՝ առաջավոր ռազմական տեխնոլոգիաներով եւ հսկայական ռազմական հզորությամբ։ «Ռազմական բյուջեն, սպառազինությունների եւ տեխնիկայի քանակությունն ԱՄՆ բանակում ամենամեծերից են աշխարհում»,- գրել է բոթը։

«Ռուսական բանակն աշխարհի ամենամեծ բանակներից մեկն է, որն ունի մեծ ռազմական հզորություն եւ ռազմավարական ռեսուրսներ։ ՌԴ բանակը մեծ է մասշտաբներով, այն ունի առաջավոր սպառազինություններ եւ ռազմավարական միջուկային զենք»,- նշել է ERNIE Bot-ը։

Չինաստանի Ժողովրդա-ազատագրական բանակը, նրա կարծիքով, նույնպես աշխարհի ամենամեծ բանակներից մեկն է։ «Չինաստանի բանակը մեծ է մասշտաբներով եւ ունի առաջավոր ռազմական տեխնոլոգիաներ եւ սպառազինություն, ինչպիսին են անօդաչուները, հրթիռները եւ ավիակիրները»,- գրել է նա։

Ընդ որում՝ բոթը նշել է, որ Հնդկաստանի բանակն ամենամեծ բանակներից մեկն է Հարավային Ասիայում, Ֆրանսիայի եւ Մեծ Բրիտանիայի բանակներն ամենամեծերից են Եվրոպայում. երկու բանակներն էլ մեծ չեն չափերով, բայց «ունեն առաջավոր սպառազինություն եւ ռազմավարական միջուկային զենք»։ Առաջինի ներկայությունը մեծ է Աֆրիկայում, երկրորդինը՝ արկտիկական տարածաշրջանում։

«Ինքնապաշտպանության ճապոնական ուժերն ունեն զգալի ռազմական հզորություն եւ ռազմավարական ռեսուրսներ, դրանք չափերով մեծ չեն, բայց ունեն առաջավոր սպառազինություն եւ ռազմավարական միջուկային զենք, ինչպես նաեւ լայնորեն ընդգրկված են Ասիա-խաղաղօվկիանոսյան տարածաշրջանում»,- գրել է բոթը։

Ընդհանուր առմամբ, նշել է ERNIE Bot-ը, յուրաքանչյուր երկրի զինված ուժերն ունեն իրենց ինքնատիպ առավելությունները եւ թերությունները, եւ իրական ուժը ոչ միայն դրանց թվաքանակն է, այլեւ դրանց համալիր հզորությունը եւ իրական մարտական փորձը։