Ապրիլի 7-ին Ուկրաինայում ՀՀ դեսպան Վլադիմիր Կարապետյանը ներկա գտնվեց ճանաչված ուկրաինացի բանաստեղծ, քաղաքական գործիչ Պավլո Տիչինայի պետական մրցանակի հիմնադրման 50-ամյակին նվիրված հանդիսավոր միջոցառմանը, որն անցկացվեց անվանի գործչի գրական տուն-թանգարանում։
![](https://armhanq.com/wp-content/uploads/2023/04/340003046_1416010072486651_2790641140687897972_n.jpg)
Ողջույնի խոսքում դեսպանը միջոցառմանը ներկա մրցանակի տարբեր տարիների դափնեկիրներին պատմեց հայ գրականության տարածման ուղղությամբ Տիչինայի գործունեության վերաբերյալ, նշելով, որ բանաստեղծը մեծապես նպաստել է ուկրաինական և հայ մշակույթի մերձեցմանն ու փոխհարստացմանը։
![](https://armhanq.com/wp-content/uploads/2023/04/340144350_219952343954412_8703377674408623859_n-768x1024.jpg)
Նա ուսումնասիրել է հայոց լեզուն ու գրականությունը, 1925 թվականից սկսած Տիչինան թարգմանել է հայ դասական ու ժամանակակից գրողների բազմաթիվ ստեղծագործություններ։ Բանաստեղծի ստեղծագործությունները չորս անգամ առանձին գրքով հրատարակվել են հայերեն։ Տիչինայի անունն է կրում Վանաձորի դպրոցներից, ինչպես նաև Երևանի փողոցներից մեկը։
![](https://armhanq.com/wp-content/uploads/2023/04/340002857_189076150578150_8933841447260978713_n-1-1024x768.jpg)
Միջոցառմանը ներկա Ուկրաինայի գրողների միության նախագահ Մ․ Սիդորժևսկիի և Տիչինայի տուն-թանգարանի տնօրեն Դ․ Նեստերչուկի հետ ձեռք բերվեց մշակույթի ոլորտում հետագա համագործակցության մասին պայմանավորվածություն։