Tag Archives: Ուկրաինա

Ուկրաինան ակտիվորեն աշխատում է հիդրավլիկ ճեղքման տեխնոլոգիայի ներդրման վրա, ինչը նրան թույլ կտա արդյունահանել գազ և ոչ միայն ապահովել ներքին կարիքները, այլև մատակարարել այն Եվրոպա։ Այս մասին գրում է բրիտանական The Telegraph թերթը։ Ուկրաինայի պաշտոնյաները փնտրում են գործընկերների, որոնք պատրաստ են ներդրումներ անել երկրի արևմտյան հատվածում գտնվող հանքավայրերի մշակման ծրագրում՝ գերադասելով այն ներդրողներին, ոորոնք ունեն համապատասխան փորձ և կարողություն՝ նման ...

Ռուսաստանը և Ուկրաինան շարունակում են հարվածներ հասցնել մեկը  մյուսի տարածքին։ Երկու կողմերն էլ հայտնել են մարդկային կորուստների և ավերածությունների մասին։ ՌԴ պաշտպանության նախարարությունը հայտնել է, որ գիշերը ռուսական ուժերը խոցել են 105 անօդաչու սարք, որոնց մեկ երրորդը թռչում էր Մոսկվայի ուղղությամբ։  Մոսկվայի քաղաքապետ Սերգեյ Սոբյանինը հայտնել է, որ մայիսի 22-ի գիշերվանից խոցվել է Մոսկվա թռչող 31 անօդաչու։ Ժամանակավորապես սահմանափակվել է ...

Ֆինլանդիան Ուկրաինային զինամթերք կմատակարարի՝ օգտագործելով ռուսական սառեցված ակտիվներից ստացված 90 միլիոն եվրոյի եկամուտը: Այդ մասին հաղորդել է Ֆինլանդիայի պաշտպանության նախարարությունը։ «Ֆինլանդիան Եվրահանձնաժողովի հետ համաձայնագիր է ստորագրել Ուկրաինային ծանր զինամթերք մատակարարելու վերաբերյալ։ Զինամթերքը կգնվի ֆիննական արդյունաբերությունից, իսկ գնումն ինքնին կֆինանսավորվի ռուսական սառեցված ակտիվներից ստացված եկամուտների հաշվին՝ Եվրոպական խաղաղության հիմնադրամի միջոցով», – գերատեսչության հաղորդագրությունից հատված է մեջբերում «ՌԻԱ Նովոստի» գործակալությունը։ Ըստ պաշտպանության ...

Ստամբուլում մեկնարկել են ՌԴ-Ուկրաինա ուղիղ բանակցությունները։ Այդ մասին հաղորդում է BBC-ն՝ վկայակոչելով թուրքական հեռուստաալիքների հեռարձակումները։ Մինչ այդ ռուսական պատվիրակության ղեկավար Վլադիմիր Մեդինսկին հանդիպել է ԱՄՆ ներկայացուցչի հետ։ Ըստ BBC-ի տվյալների՝ Մեդինսկին զրուցել է ԱՄՆ քաղաքականության պլանավորման տնօրեն Մայքլ Անտոնի հետ: Նրանց զրույցի մանրամասները չեն հաղորդվում։ Թուրքիայի արտաքին գործերի նախարարության աղբյուրը «ՌԻԱ Նովոստի»-ին հայտնել է, որ Մոսկվայի, Անկարայի և Կիևի ներկայացուցիչների հանդիպումը ...

Ուկրաինայի և Միացյալ Նահանգների նախարարությունները խորհրդակցություններ են անցկացնում օգտակար հանածոների  համաձայնագրի նոր նախագծի շուրջ։ Այդ մասին Reuters գործակալությանը հայտնել է Ուկրաինայի նախագահ Վոլոդիմիր Զելենսկիի գրասենյակի ղեկավարի խորհրդական Միխայիլ Պոդոլյակը։ «Խորհրդակցությունները դեռ շարունակվում են տարբեր նախարարությունների մակարդակով», – ասել է նա՝ մեկնաբանելով մամուլում հայտնված համաձայնագրի նոր նախագիծը։  Ավելի վաղ համաձայնագրի վրա աշխատանքը հաստատել էր Ուկրաինայի առաջին փոխվարչապետ, էկոնոմիկայի նախարար Յուլյա Սվիրիդենկոն։ ...

Ավստրալիայի վարչապետ Էնթոնի Ալբանիզը հայտարարել է, որ հնարավոր է համարում Ուկրաինա խաղաղապահներ ուղարկելը: Այդ մասին հաղորդում է ավստրալական ABC հեռուստաալիքը։ «Ներկայում քննարկում է ընթանում հնարավոր խաղաղարարության շուրջ, և իմ կառավարության տեսանկյունից մենք պատրաստ ենք ապագայում քննարկել ցանկացած առաջարկ», – հայտարարել է Ալբանիզը: Վարչապետն ընդգծել է, որ Ավստրալիան «պատրաստ է օգնել» Ուկրաինային։ Նա նաև նշել է, որ ավստրալացի խաղաղապահները վերջին տասնամյակների ...

ԱՄՆ-ը նախատեսում է առանձին բանակցություններ վարել ռուս և ուկրաինացի պաշտոնյաների հետ՝ հնարավոր համատեղ բանակցություններից առաջ, NBC News-ին հայտնել են ամերիկացի պաշտոնյաները։ Նրանցից մեկի համաձայն՝ այս մոտեցումը ցույց է տալիս, որ ԱՄՆ-ը հավասարապես ակտիվ է համագործակցում թե՛ Ռուսաստանի, թե՛ Ուկրաինայի հետ։ «Մենք ցանկանում ենք վերջ տալ մահերին և շարժվել դեպի կայուն խաղաղություն»,- հավելել է նա։ Ռուսական և ամերիկյան լրատվամիջոցների աղբյուրները հայտնել են, ...

Շվեդիայի արտաքին գործերի նախարարը հայտարարել է, որ «չի բացառում» զորքերի ուղարկումն Ուկրաինա՝ որպես հետպատերազմյան խաղաղապահ ուժերի մաս: Այդ մասին հաղորդում է France24 պարբերականը։ «Այժմ մենք պետք է նախ բանակցենք արդար և կայուն խաղաղության շուրջ, որը հարգում է միջազգային իրավունքը, հարգում է Ուկրաինան և առաջին հերթին երաշխավորում է, որ Ռուսաստանը չի կարող պարզապես հետ քաշվել, նոր ուժեր ստեղծել և հարձակվել Ուկրաինայի ...

Ռուսաստանի եւ Ուկրաինայի հարցերով ԱՄՆ նախագահի հատուկ բանագնաց Քիտ Քելոգը կանգնեցրել է ռուս-ուկրաինական պատերազմին վերջ դնելու խաղաղ ծրագրի մշակումը ՆԱՏՕ գծով դաշնակիցների հետ բանակցություններ վարելու համար, փետրվարի 10-ին հայտնել է The Telegraph թերթը՝ հղում կատարելով աղբյուրներին։ «Դոնալդ Թրամփի վարչակազմը կանգնեցրել է ուկրաինական խաղաղության ծրագիրը՝ Եվրոպային բանակցությունների սեղանի շուրջ տեղ տալու համար»,- գրել է թերթը։ Մինչ խաղաղության ծրագրի ուղղությամբ աշխատանքներն ավարտելը, Քիտ Քելոգը մտադիր է բանակցություններ վարել ՆԱՏՕ երկրների նախագահների ու վարչապետերի հետ, գրել է թերթը։ Քելոգը եվրոպացի դիվանագետներին ասել է, որ ցանկանում է ունենալ եվրոպացի առաջնորդների կարծիքը ցանկացած խաղաղ համաձայնագրի ձեւի եւ այն մասին, թե ինչպես այդ երկրները կարող են նպաստել հակամարտության կարգավորման գործընթացին: Դոնալդ Թրամփի հատուկ ներկայացուցիչը խոստացել է բանակցություններ վարել՝ հանգստացնելու նրանց, ովքեր վախենում են, որ Վաշինգտոնը կբացառի ՆԱՏՕ երկրներին խաղաղ գործընթացից: The Telegraph-ի տվյալներով՝ Քիտ Քելոգը եվրոպացի դիվանագետներին վստահեցրել է, որ Վաշինգտոնը ցանկանում է ամրապնդել Ուկրաինայի դիրքերը Ռուսաստանի հետ ապագա ցանկացած բանակցություններում։ Սպասվում էր, որ Քիտ Քելոգն Ուկրաինայի համար խաղաղության ծրագիրը կներկայացնի Գերմանիայում Մյունխենի անվտանգության համաժողովում, որը տեղի կունենա փետրվարի 14-16-ը։ Սակայն Քելոգն ասել է, որ Դոնալդ Թրամփն ինքը կներկայացնի ծրագիրը, եւ դա տեղի չի ունենա մոտ օրերս։ Bloomberg-ի տվյալներով՝ Քելոգը Թրամփին կներկայացնի խաղաղ ծրագրի տարբերակներ «առաջիկա շաբաթներին»։ Քիտ Քելոգը, Bloomberg-ի աղբյուրների տվյալներով, կհանդիպի եվրոպացի պաշտոնյաների հետ Մյունխենի անվտանգության համաժողովում, ինչպես նաեւ կայցելի Կիեւ եւ որոշ եվրոպական երկրներ։ Միաժամանակ Քելոգը չի պատրաստվում մեկնել Մոսկվա։

ԱՊՀ բոլոր երկրների ներկայացուցիչները մասնակցել են Բելառուսի նախագահի ընտրություններին որպես դիտորդներ, բացի Հայաստանից, Մոլդովայից եւ Ուկրաինայից։ Այս մասին մամուլի ասուլիսում տեղեկացրել է ԱՊՀ դիտորդների առաքելության ղեկավար Սերգեյ Լեբեդեւը, տեղեկացրել է ՏԱՍՍ-ը։ «Մասնակցել են ԱՊՀ բոլոր երկրների ներկայացուցիչները, բացի, ցավոք, Հայաստանից, Մոլդովայից եւ Ուկրաինայից»,- ասել է նա։