Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Հայաստանի քննչական կոմիտեն և Ազգային անվտանգության ծառայությունը համատեղ խուզարկություններ և այլ լայնածավալ քննչական գործողություններ են իրականացնում շուրջ 15 վայրերում, այդ թվում՝ Էկոնոմիկայի նախարարությունում և մի խումբ անձանց բնակավայրերում։
Այս մասին տեղեկացրեց Հայաստանի քննչական կոմիտեի մամուլի խոսնակ Գոռ Աբրահամյանը՝ հավելելով, որ խուզարկություններն ու քննչական գործողություններն իրականացվում են նախաձեռնված 2 քրեական վարույթի շրջանակներում։ Քննչական կոմիտեից չմանրամասնեցին, թե ինչ քրեական վարույթների մասին է խոսքը։
Ինչ վերաբերում է Էկոնոմիկայի փոխնախարար Անի Իսպիրյանի ձերբակալության վերաբերյալ մամուլում շրջանառվող լուրերին՝ ՔԿ մամուլի խոսնակն այն չմեկնաբանեց։
