Տիրանայում տեղի կունենա ԵՄ-Արևմտյան Բալկաններ գագաթնաժողովը

Եվրամիության և Արևմտյան Բալկանների երկրների ղեկավարները Ալբանիայի մայրաքաղաքում գագաթնաժողով կանցկացնեն՝ քննարկելու տարածաշրջանի վեց երկրների դաշինքին անդամակցելու ուղին:

Ամենամյա բանակցությունների հիմնական թեմաները, որոնք ստացել են «Բեռլինի գործընթաց» անվանումը, Արևմտյան Բալկանների ինտեգրումն է միասնական շուկայում և աջակցությունը նրանց կանաչ և թվային փոխակերպմանը: Տարածաշրջանի երկրներն են՝ Ալբանիան, Բոսնիան, Կոսովոն, Չեռնոգորիան, Հյուսիսային Մակեդոնիան և Սերբիան։

Տիրանայի գագաթնաժողովին կմասնակցեն Եվրահանձնաժողովի նախագահ Ուրսուլա ֆոն դեր Լայենը և Եվրոպական խորհրդի նախագահ Շառլ Միշելը։ Նրանց կմիանան Գերմանիայի կանցլեր Օլաֆ Շոլցը և Ֆրանսիայի նախագահ Էմանուել Մակրոնը։

Արեւմտյան Բալկանների վեց երկրները գտնվում են ԵՄ-ին ինտեգրման տարբեր փուլերում։ Սերբիան և Չեռնոգորիան առաջին Արևմտյան Բալկանյան երկրներն էին, որոնք սկսեցին անդամակցության բանակցությունները մի քանի տարի առաջ, որին հաջորդեցին Ալբանիան և Մակեդոնիան անցյալ տարի, մինչդեռ Բոսնիան և Կոսովոն նոր են սկսել ինտեգրացիոն գործընթացի առաջին քայլը:

ԵՄ-ն Արևմտյան Բալկաններից պահանջել է բարեփոխել իր տնտեսությունը և քաղաքական ինստիտուտները՝ նախքան դաշինքին միանալը: