Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Հարավկորեական Hyundai Motor ընկերությունը ներկայացրել է նորույթներ, որոնք կարող են ազդել մեքենաշինության զարգացման վրա։ «Korea Herald» պարբերականը տեղեկացրել է, որ նման նորույթներից մեկը ինքնավերականգնվող պոլիմերային ծածկն է։ Այն ինքնուրույն վերացնում է քերծվածքները։ Պոլիմերային ծածկը կազմված է յուղի պարկուճներից, տեղեկացրել է Planeta Today-ը։ Նվազում է շփվելու եւ ավտոշարժիչների մաշվելու հավանականությունը, 1,5 անգամ բարձրանում արդյունավետությունը։
Մյուս նորույթը արեւային մարտկոցներն են, որոնց օգտագործումը մեքենայի տանիքին, թափքին եւ դռների վրա կարող է ավելացնել ավտոմեքենայի ընթացքի պաշարը 20-40 կիլոմետրով։
Մյուս նորույթը արեւային տարրերի տանդեմն է։ Տեխնոլոգիան առաջարկում է ավելի բարձր արդյունավետություն (30 տոկոսով) այլ տարրերի համեմատ։
Սառեցնող թաղանթ պատուհանների համար. այս տեխնոլոգիան նախատեսված է մեքենաների պատուհաններին փակցնելու համար եւ կարող է նվազեցնել ներքին ջերմաստիճանը՝ 6,89 աստիճանով ավելի ցածր, քան գոյություն ունեցող անալոգների դեպքում։
Այս տեխնոլոգիաների օգտագործման էֆեկտը կարող է զգալիորեն բարելավել մեքենաների բնութագրերը՝ դրանք ավելի արդյունավետ, կայուն եւ հարմար դարձնելով։
