Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Նախատեսվում է, որ նոր տրոլեյբուսների առաջին խմբաքանակը Երևանում կլինի մինչև շաբաթվա վերջ: Երևանի քաղաքապետարանի գործակարգավարական խորհրդակցության ժամանակ այd մասին հայտնեց Երևանի քաղաքապետարանի տրանսպորտի վարչության պետի ժամանակավոր պաշտոնակատար Հայկ Սարգսյանը:
Փոխքաղաքապետ Տիգրան Ավինյանը հետաքրքրվեց նոր տրոլեյբուսների մատակարարման ժամկետների վերաբերյալ: Սարգսյանը հայտնեց, որ ժամկետներն արդեն անցել են:
«Դրանց մեծ չափի պատճառով վերջերս են ստացել ՝ Լարսի թունելներն անցնելու թույլտվություն: Նախատեսվում է, որ մինչև շաբաթվա վերջ առաջին խմբաքանակը կլինի Երևանում»,-ասաց Սարգսյանը:
Նա նաև տեղեկացրեց, որ այս շաբաթվա ընթացքում՝ ապրիլի 20-ից, 38 համարի փոքր դասի ավտոբուսները նախատեսվում են փոխարինել «Հագեր» մակնիշի միջին դասի ավտոբուսներով: Իսկ փոքր դասի այդ ավտոբուսներով արդեն նույն օրը նախատեսվում է շահագործման հանձնել 40 և 67 համար երթուղիները: 40 համարը սպասարկում է Նոր Նորք, Քանաքեռ, Զեյթուն, իսկ 67-ը՝ Շենգավիթ և Մալաթիա Սեբաստիա վարչական շրջանները:
