Այսօր՝ ապրիլի 5-ին, ԵՊՀ-ում տեղի ունեցավ «Հայաստանի երկրաբանության անցյալը, ներկան և ապագան» խորագրով ցուցադրություն՝ նվիրված Երկրաբանի օրվան։
Միջոցառումը կազմակերպել էին ԵՊՀ-ի պրոֆեսոր Ղարիբջանյանի անվան պատմության, Գիտությունների ազգային ակադեմիայի ԵԳԻ պրոֆեսոր Կարապետյանի անվան երկրաբանական թանգարանները, ԵՊՀ աշխարհագրության և երկրաբանության ֆակուլտետը։
Բացման խոսքով հանդես եկավ ԵՊՀ ռեկտոր Հովհաննես Հովհաննիսյանը։ Նա կարևորեց երկրաբանության դերը մոլորակի գոյատևման ընթացքում և պետությունների վարած տնտեսական գործունեության մեջ։
![](https://armhanq.com/wp-content/uploads/2023/04/image-2-1-768x1024.jpg)
Այնուհետև ելույթ ունեցան ԵՊՀ աշխարհագրության և երկրաբանության ֆակուլտետի դեկան Մարատ Գրիգորյանը, որը խոսեց երկրաբանության արդի խնդիրների մասին, և ԳԱԱ ԵԳԻ պրոֆեսոր Կարապետյանի անվան երկրաբանության թանգարանի վարիչ Գայանե Գրիգորյանը։ Վերջինս ներկայացրեց «Միներալների զարմանահրաշ աշխարհում» զեկույցը։
Միջոցառմանը մասնակցում էր նաև Հայաստանի հանքագործների և մետալուրգների միությունը։
![](https://armhanq.com/wp-content/uploads/2023/04/image-2-3-768x1024.jpg)
![](https://armhanq.com/wp-content/uploads/2023/04/image-2-4-768x1024.jpg)
![](https://armhanq.com/wp-content/uploads/2023/04/image-2-5-768x1024.jpg)
![](https://armhanq.com/wp-content/uploads/2023/04/image-3-6-768x1024.jpg)