«Իտեքս» ընկերությունն արցախցիների համար 150 աշխատատեղ կբացի

Վանաձորում գործող հայ-իտալական «Իտեքս» ընկերությունը Արցախից բռնի տեղահանված կանանց եւ աղջիկների համար լրացուցիչ 150 աշխատատեղ կստեղծի։

Ընկերությունը հայտնել է, որ կապահովի անվճար ուսումնական գործընթաց, տրանսպորտ եւ սնունդ։

Մանրամասների համար զանգահարեք 041 31 29 29 կամ 060 50 29 29 հեռախոսահամարներով կամ մոտեցեք ք. Վանաձոր, Շիրակացի 17/5 հասցեով։

«Իտեքս» ընկերությունը հիմնադրվել է 2022 թվականի մայիսին։ Այն զբաղվում է իտալական հանրահայտ բրենդների հագուստի արտադրությամբ։ «Արտադրված է Հայաստանում» տարբերանշանով հագուստը արտահանվում է Իտալիա, որտեղից էլ ամբողջ աշխարհ։

Ներկայում ընկերությունն ունի 14 արտադրական հոսքագիծ, սակայն առաջիկայում պլանավորվում է արտադրական ծավալներն հասցնել մինչեւ 24 հոսքագծի։