Սևանի ռեկրեացիոն գոտում հանրային լողափեր կստեղծվեն

Կառավարության որոշմամբ «Սևան» ազգային պարկի ռեկրեացիոն գոտում հանրային լողափեր կստեղծվեն։ Կառավարության նիստի ժամանակ համապատասխան նախագիծը ներկայացրեց Շրջակա միջավայրի նախարար Հակոբ Սիմիդյանը։

Նա նշեց, որ նախագծի ընդունմամբ հնարավորություն կընձեռվի ՀՀ քաղաքացիների և օտարերկրյա հյուրերի համար ստեղծել մատչելի և որակյալ հանգստի պայմաններ:

«Արդեն ձևավորվել է 8 հանրային լողափ։ Գործում են անվճար ծառայություններ, սակայն սպասարկող ընկերությունների կողմից կլինեն վճարովի ծառայություններ»,- ասաց Սիմիդյանը։

Նա նշեց, որ այդ հատվածներում արգելվելու է ծխելը, բարձր երաժշտություն միացնելը,  թույլատրվելու են թույլ ալկոհոլային խմիչքներ։