Հայաստանի Հանրապետության պաշտպանության նախարարության խաղաղապահ բրիգադում հունիսի 12-ին տեղի է ունեցել ատեստավորման քննությունները հանձնած և բրիգադում հաստիքների նշանակված «Պաշտպան հայրենյաց» ծրագրի մասնակիցներին խաղաղապահի կապույտ բերետ հանձնելու հանդիսավոր միջոցառումը:
![2000.jpg (107 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/kat/aryunabanakan/divanagitakan/vahan/v/gayane/2000.jpg)
Ինչպես տեղեկանում ենք ՊՆ-ի տարածած հաղորդագրությունից, շնորհավորելով զինծառայողներին ատեստավորման առաջին փուլը հաղթահարելու կապակցությամբ՝ Սուրեն Պապիկյանը վստահություն է հայտնել, որ ՊՆ խաղաղապահ բրիգադի շարքերը համալրած երիտասարդները պատվով են ստանձնելու իրենց ուսերին դրված պատասխանատու առաքելությունը, քանի որ ծառայելով հայոց բանակում՝ նրանք արտերկրում ներկայացնելու են Հայաստանը:
ԶՈՒ բարեփոխումների շրջանակում կարևորելով ատեստավորման գործընթացը՝ պաշտպանության նախարարը շեշտել է, որ այն պետք է լինի շարունակական՝ դառնալով հայոց բանակի զարգացման կարևոր խթաններից մեկը:
![300.jpg (113 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/kat/aryunabanakan/divanagitakan/vahan/v/gayane/300.jpg)
Սուրեն Պապիկյանը ՊՆ խաղաղապահ բրիգադում ծառայության նշանակված երիտասարդներին հանձնել է կապույտ բերետները, ինչպես նաև խորհրդանշական նվերով է պարգևատրել շարքային Նվեր Չավիշյանին՝ որպես «Պաշտպան հայրենյաց» ծրագրով ատեստավորված առաջին բացարձակ գերազանցիկի:
Միջոցառումը եզրափակվել է խաղաղապահների հանդիսավոր երթով:
![1000.jpg (73 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/kat/aryunabanakan/divanagitakan/vahan/v/gayane/1000.jpg)