Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Մեծի Տանն Կիլիկիո կաթողիկոս Արամ Առաջինը այցով գտնվում է Կանադայում, որտեղ հանդիպել է վարչապետ Ջասթին Թրյուդոյին։ Կողմերը քննարկել են նաև Արցախի շուրջ զարգացումները։
«Կանադայի հայ համայնքը հզոր է և կենսունակ, և երբ Վեհափառ Հայրապետ Արամ Առաջինի հետ հանդիպեցի, խոսել ենք այդ մասին։ Մենք խոսել ենք նաև Հայոց ցեղասպանության ժամանակ իրականացված վայրագությունների և Լեռնային Ղարաբաղում կայուն խաղաղության հաստատմանը մեր աջակցության մասին»,-գրել է Թրյուդոն թվիթերյան իր էջում։ Կանադայի ԱԳ նախարար Մելանի Ժոլին ևս մասնակցել է հանդիպմանը։
«Բարի գալուստ Կանադա, Վեհափառ Հայրապետ, Հայկական սփյուռքի առանցքային դերակատար։ Մենք հանձնառու ենք միասին աշխատել ՝ ապահովելու կայունություն Հայաստանի ներսում ու նրա շուրջը և շուտով բացելու մեր առաջին դեսպանատունը Երևանում»,-գրել է Ժոլին թվիթերյան իր միկրոբլոգում։
Նյութի աղբյուր https://factor.am/654766.html
