Citigroup բանկը 25,9 մլն դոլար կվճարի ամերիկահայերին խտրականության ենթարկելու համար

Ամերիկյան Citigroup բանկը ստիպված կլինի վճարել 25,9 մլն դոլար տուգանք եւ փոխհատուցում ամերիկահայերին խտրականության ենթարկելու համար վարկային քարտեր տրամադրելու ժամանակ։

Ինչպես նշվել է ֆինանսական ոլորտում սպառողների իրավունքների պաշտպանության բյուրոն (CFPB), 2015-2021թթ. Citi-ն մերժել է վարկային քարտեր տրամադրել հայտատուներին, որոնց բանկի աշխատակիցները նույնականացրել են որպես ամերիկահայեր՝ հիմնվելով նրանց ազգանունների վրա։

«CFPB-ն հայտնաբերել է, որ Citi-ն միտումնավոր կերպով խտրականության է ենթարկել հայկական ծագում ունեցող հայտատուներին՝ հիմնվելով գերազանցապես նրանց ազգանունների վրա,- ասել է գերատեսչության տնօրեն Ռոհիթ Չոպրան։- Բանկը հայերին, կարծրատիպերից ելնելով, պատկերացրել է որպես հանցագործությունների հակում ունեցող եւ խարդախ մարդիկ։ Իրականում Citi-ն անօրինաբար կեղծել է փաստաթղթերը, որպեսզի թաքցնի խտրականությունը»։

Citi-ի ղեկավարները աշխատակիցներից պահանջել են չքննարկել այդ գործելակերպը գրավոր կամ հեռախոսով, նշվել է CFPB-ի հաղորդագրությունում։

«Citi-ի աշատակիցները ստել են հայտատուներին քարտեր չտրամադրելով, նշելով կեղծ պատճառներ»,- նշել է գերատեսչությունը։

Citi-ին, CFPB-ի կարգադրությամբ, պետք է 1,4 մլն դոլար փոխհատուցում տրամադրի տուժածներին եւ վճարի 24,5 մլն դոլար տուգանք։

Խոսքը Citi-ի Գլենդել (Կալիֆոռնիա) քաղաքի ստորաբաժանումների մասին է, որտեղ ապրում է ամերիկահայերի մոտ 15 տոկոսը։