Հայաստանում գինու արտադրությունն աճել է 86.3%-ով

ՀՀ վիճակագրական կոմիտեի հրապարակած տվյալների համաձայն 2023թ. հունվար-հուլիս ամիսներին Հայաստանում արտադրվել է 8,405.2 հազար լիտր գինի, որից 676.1 հազար լիտրը փրփրուն՝ «Շամպայն» տեսակի։ 2022թ. համադրելի ցուցանիշի համեմատ գինու արտադրության ծավալներն աճել են 86.3%-ով, իսկ փրփրուն գինիների արտադրությունն աճել է 2.1 անգամ։

Միևնույն ժամանակ վիսկիի (100% սպիրտի) արտադրությունն աճել է 3.3 անգամ և կազմել 471.5 հազար լիտր, օղու (100% սպիրտի) արտադրությունը նվազել է 60.7%-ով և կազմել 687.0 հազար լիտր, իսկ գարեջրի արտադրությունը նվազել է 9.9%-ով և կազմել 15,519.6 հազար լիտր։