Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Հայաստանի և Ռուսաստանի միջև ապրանքաշրջանառության աճը տարեվերջին կարող է հասնել 60 %-ի։ Այդ մասին ТАСС-ին հայտնել է Հայաստանի էկոնոմիկայի նախարար Վահան Քերոբյանը՝ Եկատերինբուրգում անցկացվող «Իննոպրոմ-2023» ցուցահանդեսին։
«Անցյալ տարի Ռուսաստանի հետ մեր ապրանքաշրջանառությունը կազմել է ավելի քան 5 մլրդ դոլար։ Այժմ մենք գտնվում ենք կրկնակի աճի մակարդակում։ Կարծում եմ՝ տարեվերջին կհասնենք 50-60 %-ի աճի»,- ասել է Քերոբյանը։
Նախարարն ընդգծել է, որ Ռուսաստանը Հայաստանի «թիվ մեկ առևտրային գործընկերն է»։
Քերոբյանը հավելել է, որ ԵԱՏՄ երկրների հետ առևտուրը նույնպես կրկնապատկվել է։
