Demonstrators carry EU and Georgian flags during a march in support of Georgia's EU candidacy with the building of Georgian Parliament in the left, in Tbilisi, Georgia, Saturday, Dec. 9, 2023. Several thousand people including Georgia's President Salome Zourabichvili attend a march in support of Georgia's EU candidacy. The EU is expected to announce its decision on granting Georgia candidacy status on 15 December. (AP Photo/Shakh Aivazov)

Հայտնի է Վրաստանի խորհրդարանական ընտրությունների օրը

Վրաստանի նախագահ Սալոմե Զուրաբիշվիլին ուղիղ եթերում հրամանագիր է ստորագրել հոկտեմբերի 26-ին խորհրդարանական ընտրություններ նշանակելու մասին, հայտնում է NewsGeorgia-ն։

Սա ձևական խորհրդանշական ակտ է։ Ըստ Սահմանադրության՝ հերթական խորհրդարանական ընտրություններն անցկացվում են «խորհրդարանի լիազորությունների ժամկետը լրանալու օրացուցային տարվա հոկտեմբերի վերջին շաբաթ օրը»։

Վրաստանում ընտրությունների օրվա նշանակմանը զուգահեռ պաշտոնապես մեկնարկում է նախընտրական քարոզարշավը։

«Ընտրություններ հայտարարելու մասին հրամանագիր եմ ստորագրել։ Եկել է որոշման օրը, ընտրության օրը, փրկության օրը։ Մենք գործ ունենք ոչ թե սովորական ընտրությունների հետ, երբ քաղաքացին ընտրում է, թե որ քաղաքական ուժն է առավել մոտ իր աշխարհայացքին, այլ գործ ունենք երկրի ապագան փրկելու հետ։ Մեր ներկայիս ընտրությունը էկզիստենցիալ է, այս ընտրությունը կորոշի երկրի ճակատագիրը երկար տարիներ»,- ճեպազրույցում հայտարարել է Սալոմե Զուրաբիշվիլին։

Ե՛վ իշխող կուսակցությունը, և՛ ընդդիմությունը խոսում են էկզիստենցիալ ընտրության մասին։ «Վրացական երազանքը» համոզում է ընտրողներին, որ արտերկրից ֆինանսավորվող ընդդիմությունը ցանկանում է բացել «երկրորդ ճակատ» և առաջարկում է ընտրություն «խաղաղության և պատերազմի» միջև։ Իսկ ընդդիմությունը իշխանություններին մեղադրում է ռուսամետ քաղաքականության մեջ և հայտարարում, որ երկիրը կանգնած է «Ռուսաստան կամ Եվրոպա» ընտրության առաջ։

Ընդ որում, թե՛ իշխող կուսակցությունը, թե՛ ընդդիմությունը պնդում են, որ իրենց սատարում է ընտրողների մեծամասնությունը։