Վարչապետի աշխատակազմը տեղափոխող ավտոբուսի վթարի հետևանքով տուժածներից երեքի վիճակը ծանր է

Մարտի 7-ին տեղի ունեցած ավտովթարի հետևանքով տուժել է 14 քաղաքացի, որոնք ստացել են տարբեր վնասվածքներ և տեղափոխվել մայրաքաղաքի տարբեր բժշկական կենտրոններ: Այդ մասին հայտնում է ՀՀ առողջապահության նախարարությունը:

Նրանցից 1-ը հետազոտվել և դուրս է գրվել: Ներկա պահին 13-ը ստանում են անհրաժեշտ բժշկական օգնություն:

Տուժածներից 3-ի առողջական վիճակը գնահատվում է ծանր, գտնվում են վերակենդանացման բաժանմունքում, 9-ըմիջին ծանրության, 1-ը բավարար:

Ավելի վաղ «Արմենպրես»-ը տեղեկացրել էր, որ Երևանի Մոնթե Մելքոնյանի պողոտայում վթարի է ենթարկվել վարչապետի աշխատակազմի աշխատակիցներին տեղափոխող ավտոբուսը: