Հայաստանի Գիտությունների ազգային ակադեմիայի արևելագիտության ինստիտուտում տեղի է ունեցել «Շաքիի տարածաշրջանի և խանության պատմությունը․ հայկական, քրիստոնեական հետքը» խորագրով աշխատաժողով։
Մասնակցել և զեկուցումներով են հանդես եկել ԳԱԱ արևելագիտության, պատմության, հնագիտության և ազգագրության ինստիտուտների գիտաշխատողները։
Զեկուցումներում արծարծվել են Աղվանքի, նրա տարածքում առաջացած պետական կազմավորումների, հոգևոր կենտրոնների, Շաքիի խանության, հայկական ժառանգության, ուդիների պատմության խնդիրները։
Աշխատաժողովի վերջում տեղի է ունեցել մտքերի փոխանակում և Շաքիի տարածաշրջանի պատմության վերաբերյալ հարցերի քննարկում։