Եվրոպայի գազի պահուստները հասել են ռեկորդային մակարդակի

Եվրոպայում ստորգետնյա պահեստարաններ գազի ներարկման արագությունը 2020-ից ի վեր հասել է նվազագույնի, սակայն ԵՄ-ում գազի ընդհանուր կուտակված պաշարները այս ժամանակահատվածում պատմական առավելագույնն են. պահեստարանները լցված են ավելի քան 93%-ով։ Եվրոպայի բորսայում գազը վաճառվում է 1000 խմ-ի դիմաց 380 դոլարով։

Եվրոպային Ռուսաստանը գազ է մատակարարում Ուկրաինայի տարածքով օրական 42.4 միլիոն խմ ծավալով: Նախորդ օրը տարանցմամբ Ռուսաստանը Եվրոպային մատակարարել է 41.7 միլիոն խմ պոմպային ծավալով գազ:

Ուկրաինայի տարածքով տրանզիտային գիծը մնում է Արևմտյան և Կենտրոնական Եվրոպայի երկրներ ռուսական գազի մատակարարման միակ երթուղին: Ռուսական գազի մատակարարումները Ուկրաինայի տարածքով կրճատվել են 2022-ի մայիսից, երբ հայտարարվեց Սոխրանիվկա կայանով դեպի Եվրոպա տարանցումը դադարեցնելու մասին՝ ֆորսմաժորային իրավիճակի պատճառով:

Եվ այսպես, այժմ Եվրոպայում գազապահեստարանները լցված են 93.28%-ով (11.6 տոկոսային կետով գերազանցում է այս ամսաթվի միջին ցուցանիշը վերջին հինգ տարիների ընթացքում), դրանք պարունակում են 102.63 միլիարդ խմ գազ: Եվրոպական երկրներն օգոստոսի կեսերին իրենց ստորգետնյա պահեստարանները գազով են լցրել նպատակային 90%-ով: Ավելի վաղ Եվրահանձնաժողովն ակնկալում էր նման ցուցանիշների հասնել միայն մինչև նոյեմբեր։

Եթե ​​գազի ներարկման ներկայիս տեմպերը պահպանվեն, Եվրոպան կարող է հասնել հաջորդ առանցքային մակարդակին՝ 95%-ին արդեն սեպտեմբերի երկրորդ կեսին։ ԵՄ գազապահեստների առավելագույն զբաղվածությունը դիտվել է 2019-ի հոկտեմբերի 28-ին՝ 97.86%: Եվրոպական միության համար բարենպաստ հանգամանքների դեպքում այս ռեկորդը կարող է գերազանցվել այս տարի նաև հոկտեմբերի երկրորդ կեսին։