Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Երևանի երեք հարթակներում սեպտեմբերի 2-18-ը տեղի կունենա մեդիա արվեստի 15-րդ միջազգային CYFEST փառատոնը։ Այս տարվա փառատոնի թեման է խոցելիությունը։
CYFEST-ի 15-րդ փառատոնը նվիրված է մարդկային և ոչ մարդկային մարմնի, կենսաբանական, սոցիալ և կիբերտարածությունների, պատմության և ապագայի սցենարների (հակա)խոցելիությանը, ինչպես նաև անցումային վիճակում գտնվող աշխարհի հետ բախումներին և փոխհարաբերություններին։
CYFEST-ը վիդեոարվեստ է, ձայնային ցուցահանդեսներ, փերֆորմանսներ, դասախոսություններ և տեսադիտումներ է ամբողջ աշխարհից արվեստագետների, ինժեներների և ակտիվիստների կողմից։
Փառատոնին մասնակցում է ավելի քան 60 հեղինակ 15 երկրից՝ Հայաստանից, Բելգիայից, Մեծ Բրիտանիայից, Հունգարիայից, Իսպանիայից, Իտալիայից, Կոլումբիայից, Մեքսիկայից, Նիդերլանդներից, Ռուսաստանից, ԱՄՆ-ից, Ֆինլանդիայից, Ֆրանսիայից, Շվեյցարիայից և Ճապոնիայից։ Նրանց թվում են 1995 թվականի Վենետիկի Բիենալեի Հայաստանի առաջին ազգային տաղավարում ցուցադրված երկու արվեստագետներից մեկը ՝ Սամվել Բազդասարյանը (1956-2017), նկարիչ, դասախոս, բեմանկարիչ և էլեկտրոնային տեխնիկայի առաջին օգտագործողներից Ֆաբրիցիո Պլեսսին, նկարչուհի, բեմանկարիչ, Վենետիկի 53-րդ Բիենալեի մասնակից Իրինա Կորինան, EJTECH հունգարական փորձարարական դուետը, որն աշխատում է հիպերֆիզիկական միջերեսների, ծրագրավորվող նյութերի և տեքստիլների հետ, ֆինն մուլտիմեդիա արվեստագետ և տեսողական հետազոտող Թուուլա Ներհինենը, ցանցային ինտերակտիվ նախագծեր ստեղծող շվեյցարացի նկարիչ Մարկ Լին, ինչպես նաև նկարչուհի, լուսանկարիչ և ՅՈՒՆԵՍԿՕ-ի «Վտանգի տակ գտնվող աշխարհի լեզուների ատլաս» ծրագրի շրջանակներում «Վերջին շշուկներ» ծրագրի հեղինակ Լենա Հերցոգը, և շատ ուրիշներ։
