«Ձեռնարկությունների ինկուբատոր» հիմնադրամի (Enterprise Incubator Foundation) կողմից իրականացվող «Հայաստանում աշխատուժի զարգացման» ծրագրի ներքո Տավուշի մարզում կանցկացվի «Սոցիալական մեդիա մարքեթինգ» դասընթաց:
Մասնակցել կարող են Տավուշի մարզի 15-ից 29 տարեկան երիտասարդներն, ովքեր հետաքրքրված են սոցիալական մեդիա մարքեթինգով։ Հետաքրքրված անձինք պետք է մինչև հուլիսի 20-ը ներառյալ՝ լրացնեն հետևյալ առցանց հայտաձևը: Դասընթացի մեկնարկը կտրվի հուլիսի 24-ին:
Դասընթացի շնորհիվ մասնակիցները կկարողանան ավելի արդյունավետ և արհեստավարժ կերպով վարել տարբեր սոցիալական էջեր, կտիրապետեն SMM-ի ողջ գործիքակազմին, ձեռք կբերեն մեծ պահանջարկ վայելող մասնագիտություն, կստանան շուկայի պահանջներին համապատասխանող հմտություններ:
Դասընթացի ընթացքում կբացահայտվեն սոցիալական հարթակներում մարքեթինգի գաղտնիքները, ինչպես նաև դրանց արդյունավետ կիրառման գործիքակազմն ու մեթոդաբանությունը։
![358141217_296082819602909_6684875595531784603_n.jpg (205 KB)](https://armenpress.am/static/aStarmus/covid/mcith/tatron/Manuel/new/NewFolder/zareh/01/tbilisi/aryunabanakan/tatron/Konyak/tbilisi/dog/kat/aryunabanakan/divanagitakan/vahan/v/gayane/mip/balet/team/Syuniq/team/par/cucahandes/new/artsakh/box/paytyun/sp/voske%20tsiran/amaras/girq/358141217_296082819602909_6684875595531784603_n.jpg)