Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
2023 թվականին Մարոկկո է այցելել ռեկորդային 14,5 միլիոն զբոսաշրջիկ, ինչը 34%-ով ավելի է 2022 թվականի համեմատ:
«Մարոկկոյում զբոսաշրջությունը հասել է պատմական նոր հանգրվանի։ Թագավորությունը 2023 թվականին ընդունել է 14,5 միլիոն զբոսաշրջիկ, ինչը 34%-ով ավելի է, քան 2022 թվականին և 12%ով ավելի, քան 2019 թվականին»,– նշել են Մարոկկոյի զբոսաշրջության նախարարությունից:
Արտերկրում ապրող մարոկկացիներին բաժին է ընկել երկիր այցելած զբոսաշրջիկների ընդհանուր թվի 51%-ը, իսկ օտարերկրացիներինը՝ 49%-ը։ Գերատեսչությունը հատկապես ընդգծել է, որ ցուցանիշը գերազանցել է կանխատեսվածը:
Հաջող 2019-ից հետո թագավորությունում զբոսաշրջությունը լուրջ ճգնաժամ էր ապրել պայմանավորված համաճարակի հետևանքով, սակայն 2022 թվականից ոլորտը կրկին սկսել է զարգանալ արագ տեմպերով:
