Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Մայիսի 21-27-ը Սանկտ Պետերբուրգի լեռնային համալսարանում կայացել է ուսանողների և երիտասարդ գիտնակաների «Ընդերքօգտագործման արդիական խնդիրները» թեմայով 19-րդ միջազգային ֆորում-մրցույթը, որը կազմակերպել է ՅՈՒՆԵՍԿՕ-ի հովանու ներքո գտնվող Լեռնատեխնիկական կրթության կոմպետենցիաների Միջազգային Կենտրոնը: Այդ մասին հայտնում է «Լեռնային գործի ամբիոնի» ֆեյսբուքյան էջը։
Ֆորում-մրցույթում ելույթ ունեցած նաև Հայաստանի ազգային պոլիտեխնիկական համալսարանի «Լեռնամետալուրգիա և քիմիական տեխնոլոգիաներ» ինստիտուտի «Լեռնային գործ և շրջակա միջավայրի պահպանություն» ամբիոնի ասիստենտ, տ․գ․թ․ Սուրեն Վլադիմիրի Մամյանը, հայցորդներ Նարե Հենրիկի Սահակյանը, Վրեժ Վարուժանի Հովակիմյանը և մագիստրանտ Արտավազդ Գագիկի Բարսեղյանը:
Զեկույցները վերաբերում էին Հայաստանի հանքավայրերի օպտիմալ շահագործման և երկրամեխանիկական խնդիրներին, ինչպես նաև հանքային հումքի որակի սահմանային պահանջներին ներկայացվող հարցերին:
