Պատմաբաններն ուլտրամանուշակագույն լույսով Աստվածաշնչի թաքնված գլուխ են հայտնաբերել

Այն գրվել է 1500 տարի առաջ։

Ավստրիայի Գիտությունների ակադեմիայի գիտնականները, օգտագործելով ուլտրամանուշակագույն լույսը, կարողացել են գտնել Աստվածաշնչի՝ նախկինում անհայտ գլուխը: Այն թաքնված է եղել տեքստի մեկ այլ հատվածի տակ։ Հետազոտությունը հրապարակվել է New Testament Studies ամսագրում:

Պատմաբաններն ուսումնասիրել են Մատթեոսի Ավետարանի առաջին ձեռագրերից մեկը, որը գրվել է 1500 տարի առաջ։ Այն Նոր Կտակարանի առաջին գիրքն է և չորս կանոնական Ավետարաններից մեկը: Այժմ սուրբ գրությունը պահվում է Վատիկանի գրադարանում։

Թաքնված գլուխը գտնվում էր բառերի երեք շերտերի տակ, որոնք գրված էին պալիմպսեստով՝ ձեռագիր, որով նոր տեքստ է գրվում հինի վրա: Նմանատիպ տեխնիկա օգտագործվել է հին ժամանակներում՝ մագաղաթների բացակայության պատճառով։

Բացահայտումը ցույց է տալիս տարբեր ժամանակներում Սուրբ Գրքի թարգմանության մոտեցումների և Աստվածաշնչի տեքստի էվոլյուցիայի որոշ տարբերություններ, նշում են հեղինակները: Օրինակ՝ Մատթեոսի Ավետարանի բնագրի հունարեն տարբերակում 12-րդ գլխում ասվում է. «Այդ ժամանակ Հիսուսը շաբաթ օրը անցնում էր ցանված դաշտերով. Նրա աշակերտները սոված եղան և սկսեցին եգիպտացորենի հասկեր պոկել և ուտել։

Հայտնաբերված տեքստի տարբերակը մի փոքր այլ է: Այնտեղ ասվում է. «Սկսեցին եգիպտացորենի հասկեր հավաքել, ձեռքերով մաքրել ու ուտել»։

Գիտնականները կարծում են, որ սա Մատթեոսի գրքի 12-րդ գլխի առաջին տարբերակն է։ Այն ի սկզբանե եղել է Աստվածաշնչի հին սիրիերեն թարգմանության մի մասը։