Հայաստանում տնտեսական ակտիվության աճը դանդաղել է մինչև 10,4 տոկոս

Հայաստանում տնտեսական ակտիվության աճը 2023 թվականի հունվար-օգոստոսին դանդաղել է մինչև տարեկան 10,4% (մեկ տարի առաջվա 13,9%- ից)՝ ուղեկցվելով արտահանման և ներմուծման վերընթաց դինամիկայի նկատելի նեղացմամբ։ 2022 թվականի օգոստոսի համեմատ նույնպես տնտեսական ակտիվության աճը դանդաղել է մինչև 10,9% (մեկ տարի առաջվա 18,5% – ից), ինչը նկատվում է նաև ամսական կտրվածքով՝ աճի արգելակմամբ մինչև օգոստոսյան 6,2%՝ հուլիսի 7,6% – ից, մեկ տարի առաջվա աճի ավելի ցայտուն դանդաղման դիմաց՝ մինչև օգոստոսյան 1,5% ՝ հուլիսի 8,5% – ից։ Այդ մասին են վկայում ՀՀ վիճակագրական կոմիտեի նախնական տվյալները։

2023թ. հունվար-օգոստոսին տնտեսական ակտիվության աճը պայմանավորել են առևտրի հատվածը՝ տարեկան 23,1%-ով, շինարարության ոլորտը՝ 17,3% – ով, և ծառայությունների ոլորտը՝ 14,1% – ով, իսկ էներգահամալիրը և արդյունաբերական ոլորտը, համապատասխանաբար, 2,6% և 0,1% – ով։ Հարկ է նշել, որ առևտրի ոլորտի աճը կտրուկ արագացել է, նույնը, բայց մի փոքր ավելի զուսպ, դիտվում շինարարության ոլորտում, իսկ ծառայությունների ոլորտում, ընդհակառակը, նկատվում է վերընթաց դինամիկայի արգելակում։

Վիճակագրական կոմիտեի հաշվետվություններում գյուղատնտեսական ոլորտի վերաբերյալ տվյալները 2019 թվականից ի վեր հրապարակվում են միայն եռամսյակային պարբերականությամբ: Մեկ տարի առաջ ՝ 2022 թվականի հունվար-օգոստոսին, այս բոլոր ոլորտներն աճ էին ցույց տալիս. ծառայությունների ոլորտ՝ 27,1%, էներգահամալիր՝ 16,6%, շինարարության ոլորտ՝ 14,2%, առևտրի հատված՝ 13,6%, արդյունաբերական ոլորտ՝ 9,2% ։

Արդյունաբերական արտադրանքի գների ինդեքսը 2023 թվականի հունվար-օգոստոս ամիսներին 2022 թվականի նույն ժամանակահատվածի համեմատ աճել է 0,9%-ով, 2023 թվականի օգոստոսին 2022 թվականի օգոստոսի համեմատ աճել է 7,6% – ով, իսկ միայն 2023 թվականի օգոստոսի համեմատ դեպի անկում է ծավալվել 1,2% – ով ՝ հուլիսի 0,1% աճից ։ Մեկ տարի առաջ ՝ 2022 թվականի հունվար-օգոստոսին, 2021 թվականի նույն ժամանակահատվածի համեմատ, արդյունաբերական արտադրանքի գների ինդեքսն աճել էր 5,1% – ով, 2022 թվականի օգոստոսին 2021 թվականի օգոստոսի համեմատ նվազել էր 3,5% – ով, ընդ որում, միայն 2022 թվականի օգոստոսին անկումը դանդաղել է՝ հուլիսի 4,3%- ից մինչև 1,8%։