Հայաստանի հանքագործների և մետալուրգների միության անդամ կազմակերպությունների հեռավար քննարկման օրակարգում կրկին ՀՀ կառավարության «Օգտակար հանածոների պաշարների շարժի վերաբերյալ տարեկան հաշվետվության ներկայացման կարգը, հաշվետվությունների ձևերը և լրացման ուղեցույցները սահմանելու մասին» N 1268-Ն որոշումն էր։
![](https://armhanq.com/wp-content/uploads/2023/02/330277949_1225077724883240_7121690513909788619_n-1024x576.jpg)
Հանքային ոլորտի տնտեսվարողների համար լուրջ խնդիրներ հարուցած այս որոշումը բուռն քննարկումների տեղիք է տվել։ Այն կայացվել է իրավական նորմերի խախտումներով, նույնիսկ հակասություններ կան Սահմանադրության հետ։
![](https://armhanq.com/wp-content/uploads/2023/02/image-16.png)
Խնդիրը բարձրաձայնվել է լիազոր մարմնի, կառավարության և պատկան այլ կառույցների առջև, բայց դեռևս չի արձանագրվել շոշափելի արդյունք։
![](https://armhanq.com/wp-content/uploads/2023/02/329609321_2125761174282394_6512100832253991448_n-1024x576.jpg)
Քննարկման ընթացքում պայմանավորվածություն ձեռք բերվեց ևս մեկ անգամ հանդիպել գերատեսչության ղեկավարին՝ որոշման կիրարկման հետաձգման առաջարկով, որպեսզի պահանջվող բազմածավալ և աշխատատար այս հաշվետվությունը պատշաճ ներկայացնելու հնարավորություն ընձեռնվի տնտեսվարողներին։
![](https://armhanq.com/wp-content/uploads/2023/02/330184282_1228197988082693_2395449524923778762_n-1024x576.jpg)
Հայաստանի հանքագործների և մետալուրգների միության նախագահ Վարդան Ջհանյանը գործընկեր անդամներին ներկայացրեց օրերս ՀՀ փոխվարչապետ Տիգրան Խաչատրյանի հետ իր հանդիպման արդյունքները՝ այն որակելով կառուցողական։
![](https://armhanq.com/wp-content/uploads/2023/02/329544375_3376191189302684_5722232446022786146_n-1024x576.jpg)
Ըստ Ջհանյանի՝ կառավարության վերաբերմունքը հանքարդյունաբերության նկատմամբ դրական միտում ունի, և փոխգործակցության եզրերը որոշ հարցերում արդեն իսկ նկատելի են։
![](https://armhanq.com/wp-content/uploads/2023/02/image-17.png)