Wildberries միջազգային առցանց հարթակն ԱՊՀ երկրներում գործարկել է թերություններով ապրանքների վերադարձի նորացված մեխանիզմ։
«Այժմ ապրանքը ստանալիս` այն թերի լինելու դեպքում, նաեւ սխալ ուղարկված ապրանքի կամ ոչ ամբողջական լինելու պարագայում գնորդն անմիջապես կարող է տեղեկացնել այդ մասին ապրանքների տրամադրման կետի մենեջերին։
Ապրանքների տրամադրման կետի աշխատակիցը կստուգի ապրանքները եւ համապատասխան նշում կկատարի իր աշխատանքային ինտերֆեյսում. այս դեպքում թերի ապրանքների հետադարձ տեղափոխման արժեքը չի գանձվի»,- ասված է ընկերության հաղորդագրությունում:
Նախկինում վերադարձի վճարը հաճախորդներին փոխհատուցվում էր ավելի ուշ՝ պահեստում ապրանքների թերությունը հաստատելուց հետո: