Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
«Գարդաբանիում նոր արեւային էլեկտրակայանը կնվազեցնի կախվածությունը ներմուծումից եւ կդիվերսիֆիկացնի էլեկտրաէներգիայի մատակարարման տեղական աղբյուրները, կնպաստի վերականգնվող էներգիայի եւ կլիմայի փոփոխության հետ կապված նպատակների իրականացմանը, ինչպես նաեւ ԵՄ-ի հետ Ասոցացման համաձայնագրով նախատեսված պարտավորությունների կատարմանը»,- ասել է Վրաստանի էկոնոմիկայի նախարարի տեղակալ Ռոմեո Միկաուտաձեն։
Էլեկտրակայանի հզորությունը կկազմի 96 ՄՎտ։ Ծրագրի արժեքը գնահատվում է $87 միլիոն։
Masdar-ը Հայաստանում իրականացնում է 200 ՄՎտ հզորությամբ արեւային «Այգ-1» էլեկտրակայան կառուցելու նախագիծ եւ քննարկում է նույն հզորությամբ երկրորդ կայանի կառուցման նախագիծը։
«Այգ-1»-ը լինելու է Հայաստանի ֆոտովոլտային խոշորագույն էլեկտրակայանը, որի կառուցման համար ներդրվելու է մոտ $200 մլն, իսկ արտադրվող էլէներգիայի սակագինը կկազմի $0,0290՝ մեկ կիլովատ/ժամի (կՎտժ) համար: «Մասդար Արմենիա» համատեղ ընկերության բաժնետոմսերի 85%-ը պատկանում է Մասդար ընկերությանը, 15%-ը՝ ԱՆԻՖ-ին: Ֆոտովոլտային էլեկտրակայանի շահագործումը նախատեսվում է սկսել 2025 թվականին:
Masdar-ը խոշոր ներդրումներ է իրականացնում նաեւ Ադրբեջանում:
