Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Ամանորյա հեքիաթային տրամադրություն, գույնզգույն տաղավարներ, որտեղ կարելի է տեղում ձեռք բերել Ամանորի համար անհրաժեշտ ամեն ինչ` հատուկ առաջարկներով. արդեն երրորդ տարին է բացվել է «Big Christmas Market with Coca-Cola 2023-2024» ցուցահանդես-տոնավաճառը:
Այս տարի ցուցահանդեսին մասնակցում են 280-ից ավել բիզնեսներ, որոնք հնարավորություն են ստեղծում անցկացնելու 5 անմոռանալի օր՝ ամանորյա հեքիաթային միջավայրում և մասնակիցը լինելու հագեցված և չկրկնվող ծրագրերի, մաստեր-կլասսերի:
Այս տարի ցուցահանդեսի տարածքում ներկայացված է նաև «Արցախ աշխարհ» անկյունը, որտեղ ներկայացված է Արցախից Հայաստան տեղափոխված 30 բիզնես:
Իսկ ցուցահանդեսի համակազմակերպիչներից մեկը՝ Coca-Cola Hellenic Bottling company-ին ցուցահանդեսի տարածքում ստեղել է իրական ամանորյա հեքիաթ՝ հնարավորություն ընձեռելով անվճար լուսանկարահանվել իրական Santa Claus-ի հետ:
Ցուցահանդեսին բոլոր այցելուները կունենան հնարավորություն՝ ծանոթանալու մասնակից ընկերությունների կողմից ներկայացվող առաջարկներին, պրոդուկտներին և ծառայություններին, գնումներից առաջ համտեսելու ներկայացված մթերքներն ու խմիչքները և ստանալու ինֆորմացիա տվյալ կազմակերպության ներկայացվածության մասին՝ հետագայում գնումներ կատարելու նպատակով:
Ցուցահանդեսի գլխավոր հովանավոր «Անուշ» ընկերությունն էլ իր բազմազան տաղավարով խոստանում է ապահովել ամանորյա սեղանի կարևոր բաղադրիչները:
Ցուցահանդեսն անցկացվում է Կարեն Դեմիրճյանի անվան մարզահամերգային համալիրում, մուտքն անվճար է: Ինչպես նաև գործելու են ավտոբուսներ, որոնք Հանրապետության հրապարակից համալիր և հակառակ ուղղությամբ ժամը 12։00-ից սկսած մինչև 22։00-ն յուրաքանչյուր ժամը մեկ տեղափոխելու են այցելուներին՝ բոլորովին անվճար:
Ցուցահանդեսը հանրության համար բաց կլինի մինչև դեկտեմբերի 24-ը:
