Հայաստանը ցանկանում է բարձրացնել Ղազախստանի հետ բեռնափոխադրումների արդյունավետությունը

Ներկայում Հայաստանի եւ Ադրբեջանի միջեւ բեռնափոխադրումների ոլորտում խնդիրներ կան։ Այս մասին տնտեսական հարցերի խորհրդարանական մշտական հանձնաժողովի նիստում, Հայաստանի Հանրապետության կառավարության եւ Ղազախստանի Հանրապետության կառավարության միջեւ 2006թ. նոյեմբերի 6-ի «Միջազգային ավտոհաղորդակցության մասին» համաձայնագրում փոփոխություններ եւ լրացումներ կատարելու մասին հարցի քննարկման ժամանակ, ապրիլի 30-ին հայտնել է տարածքային կառավարման եւ ենթակառուցվածքների փոխնախարար Արմեն Սիմոնյանը։

Դրանք, ինչպես նշել է պաշտոնյան, առնչվում են ճանապարհային եւ բնապահպանական տուրքերի գանձման օրենսդրական կարգավորմանը։ «Այդ պատճառով փոփոխություններ են կատարվել երկու երկրներում գրանցված տրանսպորտային միջոցների հետ կապված խնդիրները կարգավորող փաստաթղթում, ինչպես նաեւ արտոնությունների եւ հարկային արտոնությունների սահմանման գործընթացում»,- նշել է Սիմոնյանը։

Կառավարության կարծիքով՝ առաջարկվող փոփոխությունները կպարզեցնեն երկու երկրների միջեւ ավտոմոբիլային բեռնափոխադրումների գործընթացը եւ կբարձրացնեն Հայաստանի տարանցիկ դերը տարածաշրջանում բեռնափոխադրումների հարցում։

Բացի այդ, արձանագրության վավերացումից հետո կշարունակվեն քննարկումները ԵԱՏՄ շրջանակում ակտիվ եւ փոխշահավետ համագործակցության տարբերակների շուրջ՝ ուղղված վերջինիս հնարավորությունների առավելագույն օգտագործմանը, Եվրասիական տնտեսական միության երկրների միջեւ ապրանքաշրջանառության ծավալների ավելացմանը եւ որպես այդպիսին՝ համագործակցության զարգացմանը։

Կարճ քննարկումներից հետո օրենսդրական նախաձեռնությունն արժանացել է խորհրդարանական մշտական հանձնաժողովի դրական եզրակացությանը։