Համայնքային ոստիկանները ապօրինի պահվող զենք են հայտնաբերել

Համայնքային ոստիկանության Արթիկի բաժնի ծառայողները փետրվարի 25-ին օպերատիվ տեղեկություններ էին ստացել, որ Մեծ Մանթաշ գյուղի 68-ամյա մի բնակիչ ապօրինի հրազեն է պահում։ Այդ մասին հաղորդագրություն է տարածել ՀՀ ներքին գործերի նախարարությունը։ 

Տեղեկությունները ստուգելու նպատակով համայնքային ոստիկաններն այցելել են 68-ամյա տղամարդու բնակության վայր։ Տանտերն իրավապահներին է ներկայացրել մեկփողանի ողորկափող որսորդական հրացան, որի վերաբերյալ համապատասխան փաստաթուղթ չուներ։
Հրացանը և կազմված փաստաթղթերը ներկայացվել են Արթիկի և Անիի քննչական բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: