Արցախում հավաքագրված եկամուտները թերակատարվել են 54.6%-ով

2023 թվականի հունվար-հուլիս ամիսների ընթացքում նախնական տվյալներով Արցախի պետական բյուջե է մուտքագրվել 16,4 մլրդ դրամ հարկային եկամուտ և տուրքեր, որը պլանավորված 26,0 մլրդ դրամ ցուցանիշի նկատմամբ կազմել է 63.1% կամ պակաս 9,6 մլրդ դրամով:

Արցախի պետական եկամուտների կոմիտեից հայտնել են, որ հուլիս ամսում հավաքագրված եկամուտները պլանային առաջադրանքի համեմատ թերակատարվել են 54.6%-ով կամ պակաս է հավաքագրվել 2,5 մլրդ դրամ:

Նշվում է, որ շրջափակման հետևանքով ստեղծված ճգնաժամային իրավիճակով պայմանավորված՝ տնտեսավարող սուբյեկտների շրջանում շարունակվել են գործունեության մասսայական դադարեցումները, վարձու աշխատողների աշխատանքից ազատումները: