Միգրացիոն սալդոն բացասական է․ ՀՀ քաղաքացիներն ավելի շատ մեկնում են, քան վերադառնում

2024 թվականի առաջին կիսամյակում արտասահմանից Հայաստան է վերադարձել 864 629 քաղաքացի, իսկ երկրից մեկնել է 887 522 քաղաքացի։ Արդյունքում ՝ ՀՀ քաղաքացիների մասով միգրացիոն բացասական սալդոն պահպանվում է՝ բնակչության արտահոսքը շարունակվում է։ ՀՀ վիճակագրական կոմիտեի տվյալների համաձայն, առաջին կիսամյակում բացասական միգրացիոն սալդոն կազմել է 22,893 հազար մարդ ՝ մեկ տարվա ընթացքում կրճատվելով 12 տոկոսով։

Ընդհանուր առմամբ, այս տարվա առաջին կիսամյակում արտասահմանից Հայաստան է ժամանել 2,038 մլն մարդ, իսկ Հայաստանից մեկնել է 2,027 մլն մարդ, ինչը դրական միգրացիոն սալդո է ձևավորել 11,089 հազար մարդու մակարդակում, որը տարվա ընթացքում կրճատվել է 39,2% – ով:

Ըստ ՀՀ ոստիկանության անձնագրային և վիզաների կենտրոնի տվյալների՝ ընդամենը հաշվետու ժամանակահատվածում ՀՀ-ում հաշվառվման է վերցվել 80.556 հազար մարդ, որը մի քանի անգամ գերազանցում է մեկ տարվա վաղեմության ցուցանիշը: Հիմնականում, դրանք եղել են ՌԴ, Վրաստանի, Արցախի Հանրապետության, Սիրիայի, Իրանի, Լիբանանի և այլ երկրների քաղաքացիներ: Իսկ հաշվառումից դուրս է եկել 16.404 հազար մարդ (տարեկան 8,7% անկմամբ), ընդ որում՝ ճնշող մեծամասնությունը Ռուսաստանի, Վրաստանի, Ֆրանսիայի քաղաքացիներ։

2024թ. առաջին կիսամյակում զբոսաշրջության նպատակով Հայաստան է այցելել 964 հազար զբոսաշրջիկ, ինչը տարեկան վաղեմության ցուցանիշից ցածր է 4%- ով։