ՊԵԿ․ դեկտեմբերին պակաս վճարած տույժերը կազմել են մոտ 45 միլիոն դրամ

Ապրանքների բացթողումից հետո Պետական եկամուտների կոմիտեի (ՊԵԿ) հետբացթողումային հսկողության վարչության աշխատակիցների կողմից իրականացված մաքսային հսկողության ընթացքում հայտնաբերվել են ՀՀ մաքսային օրենսդրության խախտման մի շարք դեպքեր:

ՊԵԿ-ից հայտնել են, որ պակաս հաշվարկված եւ վճարված մաքսային վճարների եւ դրանց նկատմամբ օրենքով հաշվարկված տույժերի ընդհանուր գումարը կազմել է 44,623,350 ՀՀ դրամ։

6 դեպքով արձանագրվել է ապրանքների ոչ ճիշտ դասակարգման հատկանիշներ, որոնցով թերի վճարված /չհաշվարկված/ մաքսային վճարների գումարը կազմել է 31,348,879 ՀՀ դրամ:

1 դեպքով արձանագրվել է ցածր մաքսային արժեքի հայտարարագրման դեպք, որով պետությանը պատճառված վնասը կազմել է 1,590,740 ՀՀ դրամ

1 դեպքով արձանագրվել է պայմանական բացթողնված ապրանքների ոչ նպատակային օգտագործման փաստ՝ թերի վճարված մաքսային վճարների գումարը կազմել է 11,683,734 ՀՀ դրամ։

9 դեպքով մաքսային մարմին ներկայացված ապրանքների հայտարարագրերում հայտնաբերվել են անհամապատասխանություններ։ Նախնական տվյալներով թերի վճարված մաքսային վճարների գումարը կազմում է 5 մլն․ ՀՀ դրամ։