ՌԴ-ն և Չինաստանը ծրագրում են գազատար կառուցել Մոնղոլիայի տարածքով

Ռուսաստանի Դաշնությունն ակնկալում է մոտ ապագայում Մոնղոլիայի տարածքով դեպի Չինաստան «Սիբիրի ուժը 2» գազատարի կառուցման պայմանագիր կնքել։

Այդ մասին հայտնում է ՏԱՍՍ-ը՝ վկայակոչելով ՌԴ փոխվարչապետ Ալեքսանդր Նովակի՝ «Ռոսիա 1» հեռուստաալիքի եթերում ասված խոսքերը։ 

«Նախատեսում ենք նաև առաջիկայում ավարտին հասցնել վերանայումը և պայմանագիր կնքել՝ ուղղված 50 միլիարդ խորանարդ մետր հզորությամբ գազատարի կառուցմանը՝ Մոնղոլիայի տարածքով։ Կան այլ նոր նախագծեր»,- ասել է Նովակը։

«Սիբիրի ուժը 2»-ը նախագծված գազատար է, որն Արևմտյան Սիբիրով կանցնի Չինաստան։ Դրա առավելագույն հզորությունը կկազմի տարեկան 50 միլիարդ խորանարդ մետր: Դրա համար հումք պետք է լինեն Յամալի թերակղզու, Յամալո-Նենեց ինքնավար օկրուգի Նադիմ-Պուր-Տազ շրջանի ռեսուրսները։