Հայաստան ներմուծվող 30 նոր ավտոբուսներից 28-ն արդեն Երևանում են. առաջիկայում դրանք կմտնեն երթուղի: Այդ մասին Երևանի քաղաքապետարանի գործակարգավարական նիստի ընթացքում ասաց Երևանի քաղաքապետարանի տրանսպորտի վարչության պետ Վազգեն Հարությունյանը:
«Նախորդ պայմանագրի շրջանակում ներմուծվող 30 նոր ավտոբուսներից 28-ն արդեն Երևանում են, իսկ մյուս երկուսն առաջիկա շաբաթվա ընթացքում նույնպես կլինեն Երևանում»,-ասաց Հարությունյանը:
Ըստ նրա՝ նոր ավտոբուսները երթուղի դուրս կգան մաքսազերծումից հետո, առաջիկա 15- 20 օրերի ընթացքում:
Ավելի վաղ Երևանի քաղաքապետարանից հայտնել էին, որ հանրային տրանսպորտի բարեփոխումների շարունականանությունն ապահովելու նպատակով ևս 30 նոր ավտոբուս կներմուծվի Հայաստան։