Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Պետական եկամուտների կոմիտեն տեղեկացնում է, որ կոմիտեում կազմակերպվող նոր չափանիշներով հարկային ծառայողի պատրաստման դասընթացը հաջողությամբ ավարտած մասնակիցները կունենան աշխատանքի անցնելու հնարավորություն՝ ՊԵԿ հարկ վճարողների ընթացիկ հսկողության հարկային տեսչություն-վարչությունում։ Ինչպես տեղեկացրին ՊԵԿ տեղեկատվության և հասարակայնության հետ կապերի բաժնից, աշխատելով այս վարչությունում՝ հարկային ծառայողը դառնում է ՀՀ պետական բյուջեի եկամուտների ապահովմանն ուղղված աշխատանքների անմիջական մասնակիցը՝ նպաստելով պետության առջև ծառացած անվտանգային, սոցիալական և մյուս կարևորագույն խնդիրների լուծմանը։
Հարկային ծառայող դառնալու առավելություններն են աշխատանքին զուգահեռ վերապատրաստման հնարավորությունը, ծառայողական պարտականությունների կատարման համար անվտանգ և անհրաժեշտ աշխատանքային պայմանների ապահովումը, սոցիալական փաթեթի տրամադրումը, ինչպես նաև պետական ծառայողներին մատչելի բնակարաններով ապահովելու ծրագրից օգտվելու հնարավորությունը։
Կոմիտեն հիշեցնում է, որ հարկային ծառայողի պատրաստման դասընթացին դիմելու վերջնաժամկետը՝ 2024 թվականի հունվարի 8-ն է։
