Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Ռեժիսոր Մել Բրուքսը, դերասանուհի Անջելա Բասեթը և կինոմոնտաժոր Քերոլ Լիթլթոնն ստացել են «Օսկար» մրցանակ կինեմատոգրաֆի բնագավառում ակնառու նվաճումների համար (պատվավոր Օսկար), արարողությունը տեղի է ունեցել հունվարի 9-ին։ Այդ մասին հաղորդել է Deadline հարթակը։
Միջոցառումը չի հեռարձակվել։
Պատվավոր «Օսկար»-ը շնորհվում է «կինեմատոգրաֆում ակնառու նվաճումների համար ամբողջ կյանքի ընթացքում, կինեմատոգրաֆիական արվեստի և գիտության զարգացման բնագավառում ունեցած բացառիկ ավանդի, ինչպես նաև ակադեմիային մատուցած ակնառու ծառայությունների համար»: Պատվավոր «Օսկարի» մրցանակաբաշխության 14-րդ արարողությունը պետք է կայանար 2023 թվականի նոյեմբերի 18-ին, սակայն հետաձգվել էր Հոլիվուդում դերասանների և սցենարիստների գործադուլների պատճառով։
Հեռուստատեսության և կինոյի դերասանների ամերիկյան ֆեդերացիայի գործադուլը, ֆեդերացիա, որը ներկայացնում է մոտավորապես 160 հազար մարդու շահերը, սկսվել է հուլիսի 14-ին և փաստորեն դադարեցրել է ամբողջ արտադրությունն ԱՄՆ-ի կինոստուդիաներում։ Դերասանները պահանջել են աշխատավարձերի բարձրացում, փոխհատում արտաժամյա աշխատանքի դիմաց և արհեստական ինտելեկտի կիրառման սահմանափակում կինոյում:
