Մոտ 100 ֆուտբոլի երկրպագու է զոհվել Գվինեայում

Գվինեայի Նզերեկորե քաղաքում մոտ 100 ֆուտբոլային երկրպագու է զոհվել հանդիպման ժամանակ մրցավարի ցույց տված կարմիր քարտից եւ նշանակած 11-մետրանոցից հետո սկսված անկարգությունների հետեւանքով, հաղորդում է Barron’s-ը։

Ոստիկանությունը տրիբունաներում կիրառել է արցունքաբեր գազ, ինչից հետո հազարավոր երկրպագուներ փորձել են դուրս գալ ստադիոնից։ Զոհերի մեծ մասը հրմշտոցի, ստադիոնի պատերից ընկնելու եւ արցունքաբեր գազից խեղդվելու հետեւանքով է։

Հանդիպումը Գվինեայի խռովարարների առաջնորդ, 2021-ին պետական հեղաշրջում իրականացրած եւ երկրի փաստացի ղեկավար, գնդապետ Մամադի Դումբուայի անվան մրցաշարում էր։