Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Առաջիկա 10 տարվա ընթացքում ԵՄ-ին անհրաժեշտ է լրացուցիչ 500 միլիարդ եվրո՝ պաշտպանության համար: Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը Բրյուսելում ԵՄ գագաթնաժողովին հաջորդած մամուլի ասուլիսում:
«Եթե մենք ամեն ինչ հաշվի առնենք, ապա առաջիկա 10 տարիների ընթացքում մեզ անհրաժեշտ է լրացուցիչ 500 միլիարդ եվրո»,– ասել է նա:
Եվրոպացի պաշտոնյայի խոսքով՝ այդ գումարը կարելի է ձեռք բերել ինչպես ԵՄ անդամ երկրների բյուջեներից, այնպես էլ ԵՄ հիմնադրամներից:
Հիշեցնենք՝ ՆԱՏՕ-ն ևս մեծացնում է ռազմական բյուջեն: ՆԱՏՕ-ի անդամ երկրները Վիլնյուսի գագաթնաժողովում ՀՆԱ-ի 2%-ը կսահմանեն որպես ռազմական ծախսերի նվազագույն չափ։ Այդ մասին հայտարարել էր ՆԱՏՕ-ի գլխավոր քարտուղար Յենս Ստոլտենբերգը:
«Դաշնակիցները կընդունեն ավելի հավակնոտ նպատակներ և ՀՆԱ-ի 2%-ը կսահմանեն որպես տարեկան պաշտպանական ծախսերի նվազագույն չափ»,– ասել էր նա, ինչին հաջորդեցին որոշ երկրների մերժումների ու հարցադրումներ՝ նախագծի վերաբերյալ:
ՆԱՏՕ-ի առաջիկա գագաթնաժողովը տեղի կունենա հուլիսի 11-12-ը Լիտվայի մայրաքաղաքում: Բացի դաշինքի անդամ երկրներից, դրան կմասնակցեն նաև Ավստրալիայի, Նոր Զելանդիայի, Ճապոնիայի և Հարավային Կորեայի ղեկավարները:
