YouTube-ը նոր AI ֆունկցիա է թեստավորում

YouTube-ը բովանդակություն ստեղծողների համար փորձարկում է նոր գործառույթ: Brainstorm with Gemini-ն հիմնված է Google-ի AI-ի վրա:

Այն թույլ է տալիս տեսանյութեր ստեղծողներին գաղափարներ, վերնագրեր և մտքեր փոխանակել: Գործիքը օգտագործելու համար հարկավոր է բացել YouTube Studio-ն, նկարագրել տեսանյութի գաղափարը որոնման տողում և ընտրել Brainstorm with Gemini տարբերակը:

Փորձի շրջանակներում ֆունկցիոնալությունը հասանելի է սահմանափակ թվով օգտատերերի: YouTube-ը կգնահատի տեսանյութերի հեղինակների կարծիքները՝ նախքան գործիքն ավելի լայն լսարանի ներկայացնելը:

Brainstorm with Gemini-ն նման է արհեստական ​​բանականության մեկ այլ ֆունկցիայի, որը YouTube-ը փորձարկել է մայիսին: Այն օգտատերերին տալիս է գաղափարներ տեսահոլովակների համար, որոնք կարող են հետաքրքրել դիտողներին, այնուհետև ստեղծում է ծրագիր՝ արագացնելու տեսանյութերի ստեղծման գործընթացը:

Հիշեցնենք՝ հուլիսին YouTube Music-ը ներկայացրել է երկու նոր գործիք՝ արհեստական բանականությամբ աշխատող խոսակցական ռադիո և Shazam-ին նման ֆունկցիա: