Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը «Ֆեյսբուք»-ի իր էջում տեսանյութ է հրապարակել՝ Սյունիք կատարած այցից:
Նա խմբակցության մի խումբ այլ պատգամավորների, Էկոնոմիկայի նախարար Գևորգ Պապոյանի և այլոց ուղեկցությամբ Գորիսի համայնքներում ծանոթացել է նոր կառուցվող բնակարանների շինաշխատանքների ընթացքին:
«Կառավարության կողմից 16 միլիոն դրամի չափով աջակցության ծրագրով վերջին երկու տարում սահմանամերձ գյուղերում կառուցվել են հարյուրավոր տներ:
Այս ծրագրով Գորիս համայնքի Քարահունջ գյուղում կառուցվել է 51 առանձնատուն: Գյուղում երկու տարում նոր թաղամաս է ի հայտ եկել:
Կառավարության այս ծրագիրը կոչել եմ «Գուղերի փրկության ծրագիր» , որովհետև տասնամյակներ շարունակ գրեթե ոչ մի տուն չի կառուցվել մեր գյուղերում, իսկ այժմ թաղամասեր են ծնվում:
Գյուղերի փրկության ծրագիրը շարունակական կլինի»,- գրել է Խաչատրյանը:
