Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Հունվարի 8-ից ճապոնական հեղինակավոր Toyota Motor-ը երկրում վերսկսում է ավտոմեքենաների արտադրությունը, որը դադարեցվել էր Ամանորի առթիվ՝ չնայած երկրի կենտրոնական հատվածում շարունակվող երկրաշարժերի հետևանքով առաջացած մատակարարման շղթաների որոշակի խափանումներին: Այդ մասին հայտնում է ավտոարտադրողը:
Սկզբում Toyota-ն խոստովանել է, որ հունվարի 8-ին հնարավոր չի լինի վերականգնել արտադրությունը երկրի ձեռնարկություններում, քանի որ երկրաշարժերը վնաս են հասցրել մատակարարներին։ Սակայն աղետի գոտուց դուրս գտնվող պահեստների գույքագրումից հետո ավտոարտադրողը որոշել է վերսկսել արտադրությունը:
Հիշեցնենք՝ Ճապոնիան տարին սկսել է աղետով: Միայն հունվարի 1-ին մի քանի տասնյակ երկրաշարժներ են գրանցվել երկրում: Չեղարկվել են տոնական միջոցառումները: Ցնցումները շարունակվում են, արդեն մոտ 2 հարյուրյակ դի է հանվել ավերակների տակից ու իդենտիֆիկացվել:
