Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
ԱՄՆ նախագահ Դոնալդ Թրամփը խոստովանել է, որ Չինաստանում հավաքված հեռախոսներն ու համակարգիչները կարող են ավելի մեծ վտանգ ներկայացնել Միացյալ Նահանգների ազգային անվտանգությանը, քան TikTok հավելվածը։ Այդ մասին նա հայտնել է երդմնակալությունից հետո Fox News-ին տված իր առաջին հարցազրույցում։
«Բայց դա կարելի է ասել Չինաստանում արտադրված ամեն ինչի մասին»,- ասել է նա՝ ի պատասխան այն տեղեկությունը մեկնաբանելու խնդրանքի, որ TikTok-ն իբր կարող է անվտանգության վտանգ ներկայացնել:
«Տեսեք, մեր հեռախոսները արտադրված են Չինաստանում։ Մեծ մասամբ։ Մենք այնքան շատ իրեր ունենք, որոնք պատրաստված են Չինաստանում: Ուրեմն ինչո՞ւ չեն խոսում այդ մասին: Արդյո՞ք Չինաստանի համար կարեւոր է լրտեսել երիտասարդներին, խելագար տեսանյութեր դիտող երեխաներին»,- շարունակել է Թրամփը: «Բայց նրանք պատրաստում են ձեր հեռախոսները, եւ նրանք պատրաստում են ձեր համակարգիչները, եւ նրանք պատրաստում են շատ այլ բաներ: Սա ավելի մեծ վտանգ չէ՞»,- նշել է նա։
