Tesla-ի կապիտալն իջել է 1 տրիլիոն դոլարից

Tesla-ի բաժնետոմսերը շարունակել են անկել՝ երեք ամսվա ընթացքում առաջին անգամ 1 տրիլիոն դոլարից իջեցնելով ամերիկյան էլեկտրական մեքենաների արտադրողի շուկայական արժեքը:

Ընկերության բաժնետոմսերը երեքշաբթի նվազել են 8.4%-ով՝ հասնելով 302.8 դոլարի՝ նոյեմբերի 7-ից ի վեր ամենացածր մակարդակը։ Օրական անկումն ամենամեծն էր՝ դեկտեմբերի 18-ից ի վեր։

Դա պայմանավորված էր Եվրոպայում Tesla-ի վաճառքի նվազման լուրերով:

Tesla-ի նոր մեքենաների գրանցումները հունվարին նվազել են 60%-ով, ինչը ամենամեծ անկումն է Գերմանիայում: Ավելի վաղ հաղորդվում էր, որ հունվարին Ֆրանսիայում վաճառքները նվազել են 63%-ով։

Մեծ Բրիտանիայում Tesla-ն գրանցել է վաճառքի անկում ընդամենը 8%-ով, սակայն երկրի էլեկտրական մեքենաների ընդհանուր շուկան հունվարին աճել է 42%-ով: