Tag Archives: Հնդկաստան

Հայաստանի արտգործնախարարությունը X-ի իր էջում շնորհավորական ուղերձ է հղել Հնդկաստանի իշխանությանն ու ժողովրդին Անկախության 78-րդ օրվա առիթով: «Մեր ամենաջերմ շնորհավորանքներն ու բարեմաղթանքներն ենք հղում Հնդկաստանի մեր բարեկամներին Անկախության 78-րդ օրվա կապակցությամբ: Հայաստանը բարձր է գնահատում Հնդկաստանի հետ բազմակողմանի համագործակցության խորացումը և պատրաստ է նոր բարձունքների հասցնել երկկողմ հարաբերությունները»,- գրված է ուղերձում։

Հնդկաստանի Կալկաթա քաղաքում տասնյակ հազարավոր մարդիկ գիշերը երթի են դուրս եկել՝ իրենց բողոքն արտահայտելով վերապատրաստվող բժշկուհու բռնաբարության և սպանության դեմ։ Այդ մասին հաղորդում է BBC-ն։ 31-ամյա բժշկուհին բռնաբարվել և սպանվել է օգոստոսի 9-ին՝ Կալկաթայի հիվանանոցներից մեկում։ Գրեթե մեկ շաբաթ է՝ Հնդկաստանում ցույցեր էին տեղի ունենում, որոնք իրենց գագաթնակետին են հասել այս գիշեր։ Սոցիալական ցանցերում հնչող կոչերից հետո հազարավոր կանայք երթի ...

Հնդկաստանի ռազմածովային ուժերը պատրաստ են շահագործման ընդունել  միջուկային էներգիայով աշխատող երկրորդ բալիստիկ հրթիռային սուզանավը: Այդ մասին հաղորդում է The Times of India պարբերականը՝ հղում անելով աղբյուրների։ «Միջուկային էներգիայով աշխատող երկրորդ հնդկական հրթիռային Arighat սուզանավը լիովին պատրաստ է ռազմածովային ուժերի սպառազինության մեջ ընդունվելու երկարատև փորձարկումներից հետո…. Դրա շահագործումը պլանավորվում է սկսել մեկ-երկու ամսից», – հայտարարել են հրատարակության զրուցակիցները:  Նոր հրթիռային սուզանավը ...

Հնդկաստանի հարավային Կերալայի նահանգում սողանքների զոհերի թիվը հասել է 158-ի: Այդ մասին հաղորդում է Hindustan Times պարբերականը՝ վկայակոչելով տեղի իշխանություններին։  Ավելի վաղ հաղորդվել էր ավելի քան 90 զոհի մասին։  Բազմաթիվ բնակիչներ դեռ անհետ կորած են, ուստի զոհերի թիվը կարող է աճել: Որոնողափրկարարական աշխատանքներին ներգրավված է 500-600 մարդ։ Աշխատանքներին մեծապես խոչընդոտում են նահանգում տեղացող հորդառատ անձրևները։  Կերալայում հուլիսի 31-ը հայտարարվել է ...

Հայաստանի նկատմամբ արտաքին պահանջարկը նվազել է, ինչի հետևանքով նվազել է նաև ներգնա զբոսաշրջիկների կողմից մեկ շնչի վերածած ծախսերը: Այս մասին այսօր՝ հուլիսի 30-ին, մամուլի ասուլիսի ժամանակ ասաց ԿԲ նախագահ Մարտին Գալստյանը: «Բացի այդ, մենք ունեինք դրսից եկած աշխատանքային միգրանտներ, որոնց մի մասը, մեր ունեցած վիճակագրութան համաձայն, Հայաստանից արդեն հեռանում է: Դա վերաբերում է ոչ միայն բարձր որակավորում ունեցող մարդկանց, այլև ...

Հնդկաստանն սկսել է աշխարհի ամենաբարձրադիր թունելի կառուցումը: Այդ նախագծի գործարկման արարողությունն անցկացրել է վարչապետ Նարենդրա Մոդին, որը ժամանել է սահմանամերձ Լադախի Միացյալ Տարածք։ Այդ մասին տեղեկանում ենք ՏԱՍՍ գործակալությունից: Shinkun La թունելի նախագիծը բաղկացած է 4,1 կմ երկարությամբ երկու ճյուղից, որը կկառուցվի մոտ 4 815 մ բարձրության վրա Նիմմու-Պադում-Դարչա ճանապարհի վրա՝ ապահովելու բարձրլեռնային տեղանքում գտնվող Լեհ քաղաքի հետ անընդհատ հաղորդակցություն ...

Հնդկաստանը հայտ կներկայացնի ISA-ին՝ Խաղաղ օվկիանոսում ֆերոմանգանի հանքավայրերի հետախուզման լիցենզիա ստանալու համար։ Այս մասին հայտնում է Reuters-ը: Գործակալության տվյալներով՝ Հնդկաստանը նախատեսում է հետախուզել Կլարիոն-Կլիպերտոն ստորջրյա գոտին, որտեղ գտնվում են մանգան, նիկել, պղինձ և կոբալտ պարունակող բազմամետաղային հանգույցների մեծ ծավալներ։ Բնական ռեսուրսների ուսումնասիրությունն ավարտելուց հետո Հնդկաստանին կպահանջվի 3-4 տարի՝ օվկիանոսի հատակից մետաղներ հանելու տեխնոլոգիաներին տիրապետելու համար: Մայիսին էլ Հնդկաստանը դիմել էր ...

Հայաստանի արտաքին գործերի նախարարությունը՝ Հայաստանի ազգային պատկերասրահի և Հնդկաստանի արտաքին գործերի նախարարության հետ համագործակցությամբ Նյու Դելիում ՅՈւՆԵՍԿՕ-ի Համաշխարհային ժառանգության կոմիտեի 46-րդ նիստի շրջանակներում կազմակերպել է «Art that Reinstates Friendship: Ajanta Revisited in Armenia» խորագրով հարակից միջոցառումը:  Ինչպես հաղորդում է Հնդկաստանում Հայաստանի դեսպանությունը, Հայաստանի ազգային պատկերասրահում առկա Հնդկաստանի Աջանտայի քարանձավների որմնանկարների հայազգի անվանի նկարիչ Սարգիս Խաչատուրյանի 1930-ականների կտավների կրկնօրինակների ցուցադրության բացմանը ...

Հնդկաստանը վերջին մի քանի տարիների ընթացքում զգալիորեն ավելացրել է  պաշտպանական արտադրության ծավալները՝ աստիճանաբար զենք ներկրողի կարգավիճակից անցնելով արտահանողի կարգավիճակի։ Այդ մասին ասվում է երկրի Ֆինանսների նախարարության կողմից խորհրդարանում ներկայացված տնտեսական ամփոփ հաշվետվության մեջ։ Ըստ ՏԱՍՍ-ի՝ փաստաթղթում նշվում է, որ Հնդկաստանի պաշտպանական արտադրությունն զգալիորեն աճել է՝ 2017 ֆինանսական տարվա 740 միլիարդ ռուփիից (8,8 միլիարդ դոլար) 2023 ֆինանսական տարում հասնելով 1 տրիլիոն ...

Հնդկաստանի Ջամու և Քաշմիրի հյուսիսային դաշնային տարածքում գտնվող Դոդայի շրջանում ահաբեկիչների դեմ բախումների ժամանակ առնվազն չորս հնդիկ զինվոր է զոհվել, այդ թվում՝ մեկ սպա: The Wire պարբերականը հաղորդում է նաև մեկ ոստիկանի զոհվելու մասին։ Հնդկաստանի ցամաքային զորքերի մամուլի ծառայությունը հայտնել է, որ այդ շրջանում տեղի է ունենում զինյալների որոնման՝ բանակի և ոստիկանության համատեղ գործողություն։: Ահաբեկիչների հետ բախումն սկսվել է հուլիսի 15-ի ...