Silicon Mountains Tech Summit 2025՝ արհեստական բանականության անատոմիա

Հոկտեմբերի 14  Դվին Հոլում (Պարոնյան 40, Երևան) տեղի կունենա Silicon Mountains Tech Summit 2025 Արհեստական բանականության անատոմիա խորագրով՝ համաշխարհային ճանաչում ունեցող խոսնակների մասնակցությամբ:

Սկսած 2019 թվականից, այս գագաթնաժողովը դարձել է Հայաստանի առաջատար միջազգային հարթակը՝ համախմբելով համաշխարհային փորձագետներին, քաղաքականության մշակողներին և բիզնես առաջնորդներին՝ քննարկելու տեխնոլոգիական ոլորտի ապագան և ազդեցությունը տնտեսության և այլ ոլորտների վրա։

Այս տարի գագաթնաժողովը նվիրված է «Արհեստական բանականության անատոմիա» խորագրին՝ նպատակ ունենալով հանրությանը ներկայացնելու ԱԲ խորքային ուսումնասիրությանը՝ դրա հիմքային կառուցվածքներից մինչև թաքնված բարդությունները։ Ավելի քան 10 համաշխարհային ճանաչում ունեցող փորձագետներ ու նորարարներ կներկայացնեն, թե ինչպես է աշխատում ԱԲ-ն «կուլիսներում»՝ մտածող ալգորիթմները, սովորող նեյրոնային ցանցերը, տվյալների հոսքերը, որոնք սնուցում են բանականությունը, և մարդկային փորձառությունը, որը շարժիչ ուժ է դառնում առաջընթացի համար։

Գագաթնաժողովի հատուկ հյուրն է Վենսենթ Ռոշը (Vincent Roche), Analog Devices Inc.-ի գլխավոր գործադիր տնօրենն ու տնօրենների խորհրդի նախագահը, ով արժանացել է նաև 2025թ. Գլոբալ բարձր տեխնոլոգիաների մրցանակին:

Գագաթնաժողովին կմասնակցեն նաև՝

• Նուբար Աֆեյան, Flagship Pioneering-ի հիմնադիր և գլխավոր գործադիր տնօրեն, Moderna-ի համահիմնադիր և վարչության նախագահ
• Անդրե Անդոնյան, Flagship Pioneering-ի ռազմավարական խորհրդատու, Կենտրոնական Ասիա և Խաղաղօվկիանոսյան տարածաշրջան
• Հովհաննես Ավոյան, Picsart-ի գլխավոր գործադիր տնօրեն և հիմնադիր
• Արամ Կաբլանյան, տեխնոլոգիական ձեռներեց, գինեգործ, Alexandrea Wines-ի հիմնադիր
  եւ այլ համաշխարհային ճանաչում ունեցող առաջնորդներ տեխնոլոգիաների և նորարարության ոլորտում։

Silicon Mountains Tech Summit 2025-ը գերազանցում է ավանդական համաժողովների ձևաչափը։ Ելույթների, ինտերակտիվ քննարկումների ընթացքում մասնակիցները կստանան բացառիկ հնարավորություն՝ շփվելու այն առաջնորդների հետ, ովքեր ձևավորում են ԱԲ-ի և տեխնոլոգիաների ապագան։

Միջոցառման շրջանակում կունենանք նաև VIP հատուկ գոտիներ, մասնավոր հանդիպումների զոնաներ, որոնք հնարավորություն կտան շփվելու միջազգային հյուրերի և գործընկերների հետ։

Համաշխարհային առաջատար ձայները Հայաստան բերելով՝ մենք նպատակ ունենք ամրապնդելու երկխոսությունը, համագործակցությունը և նորարարությունը սահմաններից այն կողմ:

Լրացուցիչ տեղեկատվության և գրանցման համար խնդրում ենք այցելել՝ www.silicon-mountains.org